जामनेर (प्रतिनिधी) दारु पिवून घरी येत असल्याच्या कारणावरुन झालेल्या भांडणातून महिलेच्या डोक्यात दगड टाकून निर्घृण खून केल्याची घटना उघडकीस आली आहे. संगिता पिराजी शिंदे (वय ३६), असे खून झालेल्या महिलेचे नाव आहे. ही घटना दि. १ जुलै रोजी सकाळी साडेदहा वाजेच्या सुमारास शहापुर येभिल पुराभागात घडली.
खून करुन संशयित किरण संजय कोळी (वय २६) हा पसार होण्यापुर्वीच जामनेर पोलिसांनी त्याला अटक केली असून त्याच्याविरुद्ध गुन्हा दाखल करण्यात आला आहे. अमरावती येथील सासर असलेल्या संगिता शिंदे या पतीसोबत राहत नसल्याने गेल्या अनेक वर्षांपासून त्या शहापूर येथे आपल्या माहेरीच राहत होत्या. संशयित किरण कोळी हा महिलेच्या घरी येणे जाणे होते. तसेच त्याला दारूचे व्यसन असल्यामुळे नेहमीच दोघांमध्ये भांडण होत असत. आज सकाळी देखील त्या दोघांमध्ये वाद झाला तो वाद चांगलाच विकोपाला गेला आणि किरणने संगिताच्या डोक्यात दगड घालून लाकडी दांड्याने मारहाण करून तिची निघृणपणे हत्या केली. त्यामुळे अनैतिक संबंधातून संशयित आरोपी किरणने संगिताची हत्या केल्याचे गावातील रहिवाशांमध्ये बोलले जात आहे. मयत संगीताच्या पश्चात १ मुलगा, १ मुलगी असा परिवार आहे.
मयताचा मृतदेह शवविच्छेदनासाठी जामनेर येथील उपजिल्हा रुग्णालयात आणण्यात आला होता. धनराज शंकर वडार (रा. शहापूर) यांच्या फिर्यादीवरून संशयित किरण संजय कोळी (वय २६, रा. तळेगाव ता. जामनेर) याच्या विरोधात नवीन कायद्यानुसार जामनेर पोलीस स्टेशनमध्ये बीएनएनएस कलम १०३ (१) प्रमाणे गुन्हा दाखल करण्यात आला असून घटनेचा पुढील तपास पोलीस उपनिरीक्षक दिपक रोठे करीत आहेत.
पसार होण्यापुर्वीच केली अटक
घटनेची माहिती मिळताच पोलीस निरीक्षक किरण शिंदे हे सहकाऱ्यांसोबत घटनास्थळी दाखल झाले. त्यांनी तपासचक्रे फिरवित फरार होण्याच्या तयारीत असलेल्या संशयित किरण कोळी याला अटक केली.
