भुसावळ (प्रतिनिधी) येथे घरफोडीचे सत्र सुरुच आहे. सलग चौथ्या दिवशीही चोरट्यांनी बंद घरातून १ लाख १० हजार लाख रुपयांचा मुद्देमाला चोरून नेला आहे. ही घटना शहरातील प्रभात कॉलनीत घडली. याबाबत शहर पोलिसात अज्ञात चोरट्यांविरुद्ध गुन्हा दाखल करण्यात आला आहे.
शहर पोलिसांकडून मिळालेल्या माहितीनुसर, प्रशांत भरतराव बेहेेरे हे शहरातील पवन नगर, प्रभात कॉलनी परीसरातील प्रमोद पाटील यांच्या घरात कुटुंबासह राहतात. बेहरे हे कामानिमित्त कुटुंबासह नाशिक येथे गेले असल्याची संधी चोरट्यांनी साधली. घराचा दरवाजाचा कडी-कोयंडा तोडून चोरट्यांनी बेडरूममध्ये असलेल्या कपाटातून ५५ हजारांची रोकड, दोन तोळे वजनाचे व ५५ हजार रुपये किंमतीचे दागिने, ५ हजार रुपयांचे सहा भार चांदीचे दागिने, लेडीज पर्स व फोर व्हिलरची चावी लांबवली. दि. ९ ते १० जानेवारी दरम्यान ही घरफोडी झाल्याचा अंदाज आहे. घटनेची माहिती मिळताच पोलिस उपअधीक्षक सोमनाथ वाघचौरे, शहरचे पो. नि. निरीक्षक बाबासाहेब ठोंबे यांनी भेट देवून पाहणी केली. तपास सह. निरीक्षक विनोदकुमार गोसावी करीत आहेत.
