जळगाव (प्रतिनिधी) शहरातील शिवकॉलनी परीसरातील बंद घर फोडून अज्ञात चोरट्यांनी 26 हजारांचा ऐवज लांबवल्याचा प्रकार समोर आला आहे. याप्रकरणी रामानंद नगर पोलिसात गुन्हा दाखल करण्यात आलाय.
जळगाव शहरातील शिवकॉलनी परीसरात सुनंदा गिरीश झोपे या आपल्या कुटुंबियांसह वास्तव्यास आहेत. शुक्रवार, 7 जुलै रात्री 10.30 वाजेच्या सुमारास घराला कुलूप लावून ते भाडेतत्वावर घेतलेल्या घरात गेल्या. मध्यरात्रीच्या सुमारास अज्ञात चोरट्यांनी त्यांच्या घराचा कडीकोयंडा तोडून घरात प्रवेश केला. त्यानंतर कपाटातून पाच हजारांची रोकडसह सोने-चांदीचे दागिने असा एकूण 26 हजारांचा ऐवज चोरट्यांनी लांबवला.
शनिवार, 8 जुलै रोजी सकाळच्या सुमारास सुनंदा झोपे या घरी परतल्यानंतर त्यांना घरात चोरी झाल्याचे दिसून आले. याप्रकरणी सुनंदा झोपे यांनी रामानंद नगर पोलिसात धाव घेत तक्रार दिली. पुढील तपास हवालदार सुशील चौधरी हे करीत आहेत.
