धरणगाव (प्रतिनिधी) येथील एकशे सहा वर्षाची उज्ज्वल परंपरा असलेल्या शतकोत्तरी पी. आर. हायस्कूल मध्ये आज पूज्य साने गुरुजी जयंती निमित्त त्यांना अभिवादन करण्यात आले.
कार्यक्रमाच्या अध्यक्षस्थानी मुख्याध्यापक डॉ. संजीवकुमार सोनवणे होते. त्यांचा हस्ते साने गुरुजींच्या प्रतिमेस पुष्पांजली अर्पण करण्यात आली. शिक्षिका डॉ. वैशाली गालापुरे यांनी साने गुरुजींची खरा तो एकची धर्म जगाला प्रेम अर्पावे ही प्रार्थना म्हटली. मुख्याध्यापक डॉ. संजीवकुमार सोनवणे यांनी साने गुरुजींच्या कार्यकर्तृत्वाचा आढावा घेऊन साने गुरुजींची कर्मभूमी खानदेश याविषयी अभ्यासपूर्ण मांडणी केली. कार्यक्रमाचे सूत्रसंचालन शिक्षिका वंदना डहाळे यांनी केले. तर आभार शिक्षक डी. एच. कोळी यांनी मानले. याप्रसंगी शिक्षक प्रदीप असोदेकर, सुरेंद्र सोनार, एन. सी. पाटील, योगेश नाईक, जितेंद्र बोरसे, मिलिंद हिंगोणेकर यांच्यासह विद्यार्थी, शिक्षक, शिक्षकेतर कर्मचारी उपस्थित होते.
