चाळीसगाव (प्रतिनिधी) येथील एका लग्न समारंभातील जेवणातून सुमारे १०० लोकांना विषबाधा झाल्याची खळबळजनक घटना गुरुवारी घडली.
यासंदर्भात अधिक असे की, चाळीसगाव तालुक्यातील हिरापूररोडनजीक गुरुवारी एक विवाह सोहळा पार पडला. लग्नातील पंगती पार पडत असताना अचानक अनेकांना उलटी, मळमळ व्हायला लागला. त्यामुळे साधारण १०० च्या आसपास वऱ्हाडींना वेगवेगळ्या खासगी रुग्णालयात दाखल करण्यात आले. दरम्यान, रुग्णांमध्ये तरुण, वृद्ध व महिलांचा समावेश असून चार वृद्ध महिलांची प्रकृती जास्तीची खालावली असल्याचे कळते. विषबाधा नेमकं जेवणातील कोणत्या प्रकारच्या अन्नातून झाली?, याबाबत अद्याप माहिती समोर आलेली नाही.
