चाळीसगाव (प्रतिनिधी) चाळीसगाव भाजपा किसान मोर्च्याच्या पदाधिकाऱ्यांनी बेमोसमी पाऊस व गारपीटमुळे नुकसानग्रस्त शेतकऱ्यांच्या बांधावर जाऊन पिकाचे झालेल्या नुकसानीची नुकतीच पाहणी केली.
यावेळी भा.ज.पा.तालुका अध्यक्ष सुनिल निकम यांनी तेथूनच आमदार मंगेश दादा चव्हाण यांच्याशी फोनवर शेतकऱ्यांनशी संभाषण करून दिले. यावेळी आ. चव्हाण यांनी नुकसानग्रस्त शेतकऱ्यांना मदत मिळवून देण्यासाठी पुर्णपणे तुमच्या सोबत असल्याचे आश्वासन सर्व शेतकऱ्यांना देत शेतकऱ्यांच्या वेदना समजून घेतल्या. त्यानंतर चाळीसगाव प्रांत अधिकारी व तहसीलदार यांना फोन करून प्रत्यक्ष पाहणीस बोलवले व शेतकऱ्यांचे झालेले नुकसानाची पाहणी करून तात्काळ पंचनामा करण्याचे आदेश दिले.
यावेळेस प्रांत अधिकारी हिले साहेब, तहसीलदार प्रशांत पाटील, मेहुणबारे पोलीस स्टेशनचे एपीआय परदेशी साहेब व भा.ज.पा.किसान मोर्चोचे प्रदेश उपाध्यक्ष पोपट तात्या भोळे, भा.ज.पा तालुका अध्यक्ष सुनिल निकम सर, भा.ज.पा.किसान मोर्चा जिल्हा अध्यक्ष विजयदादा पाटील, किसान मोर्चो तालुका अध्यक्ष देवेंद्र पाटील, जिल्हा चिटणीस राजेंद्र सांबळे, जिल्हा उपाध्यक्ष घनश्याम पाटील, जिल्हा पदाधिकारी प्रभाकर आप्पा उपस्थित होते. भाजपा किसान मोर्च्याच्या पदाधिकाऱ्यांनी परिसरातील वरखेडे लोंढे विसापूर दरेगाव या गावातील सर्व नुकसान गस्त शेतकऱ्यांच्या बांधावर जाऊन नुकसानीची पाहणी केली.
