चाळीसगाव (प्रतिनिधी) मुंबई येथे पोलिस शिपाई म्हणून कार्यरत असलेल्या शुभम आगोणे या तरूणाच्या खून प्रकरणातील फरार असलेल्या दोन संशयितांच्या मुसक्या आवळण्यात पोलिसांना यश आले आहे.
शहरातील पिर मुसा कादरी बाबा दर्गा परिसरात क्रिकेटच्या किरकोळ कारणावरून झालेल्या वादातून शुभम आगोणे या तरूणाचा खून करण्यात आला होता. याप्रकरणी शहर पोलिसांत गुन्हा नोंद करण्यात आला आहे. गुन्हा घडला त्याच दिवशी पोलिसांनी गुन्हातील सहा संशयितांना पकडले होते. त्यातील चार आरोपी पसार होण्यात यशस्वी झाले होते. त्यांच्या मागावर असतानाच पोलिस निरीक्षक संदिप पाटील व पथकाने राहूल कोळी व अमोल कोळी या संशयितांच्या मुसक्या आवळल्या आहेत. तर इतर संशयित आरोपींचा पोलिस कसून शोध घेत आहेत.
