जामनेर (प्रतिनिधी) भाजपाचे प्रदेश अध्यक्ष चंद्रकांत पाटील यांनी ज्येष्ठ नेते छगन भुजबळ यांना दम देऊन उपशब्द वापरले. तर चंद्रकांत पाटील यांनी केलेल्या वक्तव्याबद्दल योग्य ती कारवाई करून गुन्हा दाखल करण्यात यावा, अशी मागणी राष्ट्रवादी काँग्रेस पार्टीचे तालुका अध्यक्ष राजेंद्र विठ्ठल पाटील यांनी मुख्यमंत्र्यांकडे निवेदनाद्वारे केली आहे.
मुख्यमंत्री उद्धव ठाकरेंना दिलेल्या निवेदनात म्हंटले आहे की, रा. कॉ. पार्टीचे वरिष्ठ नेते ना. छगन भुजबळ यांच्यावर भाजपाचे प्रदेश अध्यक्ष चंद्रकांत पाटील यांनी काही कारण नसताना दम देऊन उपशब्द वापरले. कोरोना महामारी असताना परिस्थितीचे भान न ठेवता केलेल्या वक्तव्याबद्दल योग्य ती कारवाई करून गुन्हा दाखल करण्यात यावा, असे निवेदनात म्हंटले आहे.
