अडावद ता. चोपडा (प्रतिनिधी) ऊस तोडीचे मजूर पुरवितो असे सांगत एकाची ६ लाख १० हजार रुपयांची फसवणूक झाल्याची घटना समोर आली आहे. याप्रकरणी अडावद पोलीस स्थानकात रामलाल किटकुल भिल, दीपक बुधा कोळी (रा. विष्णापूर ता. चोपडा) याच्याविरुद्ध गुन्हा दाखल करण्यात आला आहे.
यासंदर्भात संभाजी विश्वनाथ पवार (रा. गलांवाडी ता. दौंड जि. पुणे) यांनी दिलेल्या फिर्यादीनुसार, रामलाल किटकुल भिल, दीपक बुधा कोळी (रा. विष्णापूर ता. चोपडा) यांनी संभाजी यांना ऊस तोडीचे मजूर पुरवितो, असे सांगून ६ लाख १० हजार रुपये रोख रक्कम घेऊन गावातून फरार होऊन विश्वास घात करून फसवणूक केली आहे. याप्रकरणी अडावद पोलीस स्थानकात दोघांविरुद्ध गुन्हा दाखल करण्यात आला असून पुढील तपास सफौ जगदीश कोळंबे हे करीत आहेत.
