जळगाव (प्रतिनिधी) लक्षित गटातील उच्च शिक्षण घेऊ इच्छिणाऱ्या मेहनती आणि गुणवत्ताधारक एम. फिल. व पीएच. डी करणारे उमेदवारांना आर्थिक सहाय्य देण्याकरिता सारथी मार्फत छत्रपती शाहू महाराज राष्ट्रीय संशोधन अधिछात्रवृत्ती” करिता ऑनलाईन अर्ज मागविण्यात आले होते. त्यानुसार एकूण ३४२ विद्यार्थ्यांचे ऑनलाईन अर्ज प्राप्त झाले आहेत.
छत्रपती शाहू महाराज राष्ट्रीय संशोधन अधिछात्रवृत्ती (CSMNRF -२०२०) च्या प्राप्त अर्जाची छाननी केली असता अनेक उमेदवारांनी अर्जासोबत जोडावयाची कागदपत्रे जोडली नसल्याने किंवा कागदपत्रात त्रुटी असल्याने असे अर्ज त्रुटी पूर्तता करण्यासाठी त्रुटी पूर्तता यादी २३ डिसेंबर, २०२० रोजी सारथी संकेतस्थळ www.maharashtra.gov.in-noticeboard वर प्रसिध्द करण्यात आली होती. तसेच २३ डिसेंबर, २०२० ते २० जानेवारी, २०२१ या कालावधीमध्ये आक्षेप मागविण्यात आले होते.
आक्षेपांच्या त्रुटी पूर्ततेनंतर पात्र एकूण २४१ उमेदवारांना मुलाखतीस सारथी पुर्ण येथे बोलवणे जाणार आहे. या उमेदवारांची निवड प्रक्रिया फेब्रुवारी- २०२१ च्या शेवटच्या आठवड्यापर्यंत पार पडण्याचे नियोजन असल्याचे अशोक काकडे, व्यवस्थापकीय संचालक, छत्रपती शाहू महाराज संशोधन, प्रशिक्षण व मानव विकास संस्था, (सारथी), पुणे यांनी एका प्रसिध्दी पत्रकान्वये कळविले आहे.
