मुंबई (वृत्तसंस्था) आज संपूर्ण जगभरात ख्रिसमस अर्थात नाताळचा सण (Christmas Day 2021) उत्साहात साजरा केला जात आहे. यावर्षी ख्रिसमसवर कोरोनाचा नव्हा व्हेरिएंट ओमायक्रॉनचं (Omicron Variant) सावट असलं तरी घरच्या घरी अनेकजण ख्रिसमस साजरा करत आहेत. प्रभु येशू ख्रिस्ताचा जन्मदिवस अर्थात नाताळ ख्रिश्चन बांधवांचा महत्त्वाचा सण आहे. वर्षाच्या शेवटी येणारा हा ‘हॉलिडे सीझन’ अनेकांसाठी खास असतो. जाणून घेऊयात ख्रिसमस सणाबद्दल काही खास गोष्टी…
डिसेंबर महिना आला की जगभरात ‘मेरी ख्रिसमस’चे बोल कानावर पडू लागतात. ‘मेरी ख्रिसमस’ म्हणत लोक एकमेकांना नातळ सणाच्या शुभेच्छा देतात. तसे भेटकार्डही वाटले जातात. मात्र ‘मेरी ख्रिसमस’ का बोललं जातं याचं कारण तुम्हांला माहित आहे का? तुम्हांला कधी असा प्रश्न पडला आहे की, दिवाळी, होळी, नवीन वर्षाच्या शुभेच्छा देताना आपण ‘हॅपी न्यू इयर’, ‘हॅपी होली’ किंवा ‘हॅपी दिवाली’ असे म्हणतो मात्र ख्रिसमसच्या शुभेच्छा देताना ‘मेरी ख्रिसमस’ बोललं जातं. आज या मागचं कारण जाणून घ्या…
कसा सुरु झाला ख्रिसमस सण?
ख्रिश्चन धर्मियांच्या मान्यतेनुसार, प्रभु येशू म्हणजेच येशू ख्रिस्ताचा जन्म बेथलेहेममध्ये मेरी आणि जोसेफ यांच्या पोटी झाला. सेक्स्टस ज्युलियस आफ्रिकनसने २२१ मध्ये पहिल्यांदा २५ डिसेंबर हा येशूचा वाढदिवस म्हणून साजरा केला. या दिवसाला ख्रिसमस-डे म्हणण्याचे एक कारण म्हणजे हिवाळी संक्रांतीच्या वेळी रोमन लोक २५ डिसेंबर रोजी सूर्याचा जन्म साजरा करतात. दुसरीकडे असंही एक मत आहे की, जगाच्या निर्मितीच्या चौथ्या तारखेला (२५ मार्च) मेरीची गर्भधारणा झाली. याच्या बरोबर ९ महिन्यांनी म्हणजे २५ डिसेंबर रोजी येशूचा जन्म झाला.
‘मेरी’ आणि ‘हॅपी’ शब्दामधील फरक काय?
युरोपात १८ व्या आणि १९ व्या शतकात नाताळच्या शुभेच्छा ‘हॅपी ख्रिसमस’ बोलून दिल्या जायच्या. इंग्लंडमध्ये तर आजही अनेक लोक नाताळच्या शुभेच्छा ‘हॅपी ख्रिसमस’ बोलूनच दिल्या जातात. याशिवाय याशिवाय ब्रिटनच्या महाराणी एलिझाबेथ यांनीही ‘हॅप्पी ख्रिसमस’ हा शब्द वापरला होता. ‘हॅपी’ आणि ‘मेरी’ या दोन्ही शब्दांचा अर्थ आनंद असा सारखाच आहे. मात्र, सध्या ‘मेरी’ हा शब्द अधिक प्रचलित आहे.
ख्रिसमस ट्री
रंगीबेरंगी लाइट्स, चॉकलेट्स आणि स्टार्सने ख्रिसमस ट्री सजवली जाते. असं म्हणले जाते की ख्रिसमस ट्रीमुळे सर्व निगेटिव्हीटी निघून जाते. प्रभू येशूच्या आई-वडीलांना शुभेच्छा देण्यासाठी देवदूतांनी फरचे झाड सजवले होते. त्यामुळे ख्रिसमसला फरच्या झाडाला सजवले जाते. असं म्हणतात. रिपोर्टनुसार ख्रिसमस ट्री सजवण्याची परंपरा जर्मनीमधून सुरू झाली.
सांताक्लॉज
ख्रिसमसमध्ये अनेक लोक सांताक्लॉजसारखे कपडे घालून लहान मुलांना गिफ्ट्स देतात. असं म्हणलं जातं की सांताक्लॉज उत्तरी ध्रुवावर राहतो आणि तो उडणाऱ्या स्लेजमधून प्रवास करतो. संत निकोलस यांनी सांताक्लॉज मानले जाते. कारण ते रात्री सर्व गरजू व्यक्तींना भेटवस्तू देत होते. तसेच गरीब आणि गरजू लोकांची ते मदत देखील करत होते. आपली इच्छा काय आहे, ते एका कागदावर लिहून ती चिठ्ठी एका सॉक्समध्ये बरीच लोक ख्रिसमसच्या दिवशी ठेवतीत. एकदा संत निकेलस यांनी एका व्यक्तीची मदत सॉक्समध्ये सोनं देऊन केली. त्यामुळे तेव्हा पासून सॉक्समध्ये चिठ्ठी ठेवून त्यांना हवी ती गोष्टी सांताक्लॉजकडे मागतात.