जळगाव (प्रतिनिधी) जिल्हा कौशल्य विकास, रोजगार व उद्योजकता मार्गदर्शन केंद्र, जळगाव आणि इकरा शैक्षणिक संस्था, जळगाव यांचे संयुक्त विद्यमाने अल्पसंख्यांक हक्क दिनाचे औचित्य साधून जिल्ह्यातील उमेदवारांसाठी शुक्रवार, १८ डिसेंबर रोजी दुपारी ३ ते ४ या वेळेत अल्पसंख्यांकासाठी विविध योजना या विषयावर ऑनलाईन मार्गदर्शन सत्राचे आयोजन करण्यात आले आहे.
या मार्गदर्शन सत्रास डॉ. करीम सालार, अध्यक्ष, इकरा शैक्षणिक संस्था, जळगाव हे अल्पसंख्यांकांसाठीच्या विविध योजना व इतर अनुषंगिक बाबींविषयी मार्गदर्शन करणार आहेत. या ऑनलाईन मार्गदर्शन सत्राचे आयोजन गुगल मिट वर करण्यात आलेले असून त्याची लिंक https://meet.google.com/xow-txfa-wfa याप्रमाणे आहे. जिल्ह्यातील जास्तीत जास्त अल्पसंख्यांक उमेदवारांनी याचा मार्गदर्शन सत्राचा लाभ घ्यावा. असे आवाहन अनिसा तडवी, सहाय्यक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, जळगाव यांनी एका प्रसिध्दी पत्रकान्वये केले आहे.
