चाळीसगाव (प्रतिनिधी) जागतिक वारसा सप्ताह १९ ते २५ नोव्हेंबर दरम्यान साजरा केला जातो. दरवर्षीप्रमाणे यंदाही सह्याद्री प्रतिष्ठान चाळीसगावच्या वतीने या सप्ताहामध्ये राज्य पुरातत्व विभाग व वनविभाग यांच्या संयुक्त विद्यमाने पाटणादेवी येथील कन्हेरगड व कन्हेरगडाच्या पायथ्याशी असलेल्या हेमाडपंथी महादेव मंदिरावर स्वच्छता मोहीम राबवून आपला वैभवशाली वारसा जतन करण्याच्या दृष्टीने सह्याद्री प्रतिष्ठानने समाजास संदेश देण्याचा प्रयत्न केला आहे.
यावेळी हेमाडपंथी महादेव मंदिर परिसरातील प्लास्टिक कचरा काचेच्या बाटल्या जमा करून नष्ट करण्यात आल्या. तसेच संपूर्ण परिसर झाडून स्वच्छ करण्यात आला. त्याचप्रमाणे कन्हेरगड येथील बुरुज कमान यावर उगलेले गवत काढून स्वच्छता करण्यात आली. यानंतर कन्हेरगड ते मद्रासी बाबा असा ट्रेक करून सह्याद्रीच्या विलोभनीय विहंगम अशा सौंदर्याचे दर्शन घेतले. यावेळी मार्गदर्शक वाटाड्या म्हणून पाटणा येथील नितीन चौधरी याने मोलाचे सहकार्य केले. संपूर्ण उपक्रमात सह्याद्री प्रतिष्ठान चाळीसगावचे दिलीप घोरपडे, गजानन मोरे, विनोद शिंपी, नाना चौधरी, सचिन पाटील, जितेंद्र वाघ, गणेश पाटील, भाऊसाहेब पाटील, दिपक दाभाडे, जयंत शेलार, पैलवान सचिन पाटील, अभिषेक गुंजाळ, मयूर भागवत, चेतना भागवत, कोमल भागवत, मुकुल भागवत, नितेश भागवत हर्षल पाटील,विजय कदम राजेंद्र नगरकर दर्शन चौधरी, ललित चौधरी, रोहन राठोड, शुभम निकूंभ, यश पवार, विराज वाघ, वैश्णवी पाटील, रत्नदीप पाटील, अमोल कोठावदे, प्रथमेश कदम यांनी सहभाग घेतला
