नवी दिल्ली (वृत्तसंस्था) देशात गेल्या काही दिवसांपासून उच्चांक नोंदवणाऱ्या दैनंदिन रुग्णसंख्येत थोडा दिलासा मिळाला आहे. देशात गेल्या २४ तासांत ३ लाख १९ हजार नवीन रुग्णांची नोंद झाली आहे. तर २,७६२ रुग्णांचा मृत्यू झाला आहे. दरम्यान, देशात एका दिवसांत रेकार्ड ब्रेक २ लाख ४८ हजार रुग्ण उपचार घेत बरे झाले आहे.
विशेष म्हणजे सक्रिय रुग्णांचा आकडादेखील कमी होताना दिसत आहे. काल सोमवारी सक्रिय रुग्णांच्या संख्येत ६७ हजार ६६० ने वाढ झाली असून हा गेल्या १४ दिवसांतील सर्वात कमी आकडा असल्याचे मानले जात आहे. यापूर्वी १२ एप्रिल रोजी सक्रिय रुग्णांच्या संख्येत ६३ हजार ०६५ ने वाढ झाली होती.
देशात कोरोना महामारीचे आकडे
मागील २४ तासात एकूण नवीन केस : ३.१९ लाख
मागील २४ तासात एकूण मृत्यू : २,७६२
मागील २४ तासात एकूण बरे झालेले रुग्ण : २.४८ लाख
आतापर्यंत एकूण संक्रमित : १.७६ कोटी
आतापर्यंत एकूण बरे झाले : १.४५ कोटी
आतापर्यंत एकूण मृत्यू : १.९७ लाख
सध्या उपचार सुरु असलेले एकूण रुग्ण : २८.७५ लाख
महाराष्ट्रात सर्वाधिक रुग्णसंख्या
राज्यातील कोरोनाचा प्रादुर्भाव दिवसेंदवस वाढत आहे. राज्यात ४८ हजार ७०० कोरोनाबाधित रुग्णांची वाढ झाली आहे. तर ७१ हजार ७३६ कोरोनाबाधित रुग्ण बरे झाले आहेत. आतापर्यंत एकूण ३६ लाख ०१ हजार ७९६ रुग्ण बरे होऊन घरी परतले आहेत. राज्यातील रुग्ण बरे होण्याचे प्रमाण आता ८२.९२ टक्के झाले आहे. राज्यात एकूण ३६ लाख ९८ हजार ३५४ अॅक्टिव्ह रुग्ण आहेत. तर राज्यात एकूण ५२४ रुग्णांचा मृत्यू झाला आहे.
