जळगाव (प्रतिनिधी) येथील ईकरा शिक्षणशास्त्र महाविद्यालयातर्फे आज इकरा युनानी मेडिकल कॉलेज येथे एक दिवसीय लसीकरण मोहीमेचे आयोजन करण्यात आले होते. या लसीकरणाचे उदघाटन इकरा शिक्षण संस्थाचे अध्यक्ष डॉ. अ. करीम सालार यांचे शुभहस्ते करण्यात आले. सदर लसीकरण विद्यार्थी, पालक, शिक्षक व शिक्षकेतर कर्मचा-यांसाठी होते.
सर्व प्रथम महाविद्यालयाचे प्राचार्य ईरफान ईकबाल शेख यांनी युनानी मेडिकल कॉलेजचे उपप्राचार्य डॉ. शोएब शेख यांच्या हस्ते कोरोनाची लस घेतली. महाविद्यालयातील काहि विद्यार्थी व पालकांनी ही लस घेतली. यावेळी एजाज मलीक, अ. अजीज सालार, अमिन बादलीवाल, अ. रशीद शेख, जफर शेख, नबीदादा बागवान, प्रा. फरीदा लेहरी, प्रा.व्ही.टी पठाण, प्रा. अजीम शेख, प्रा. वसीम शेख, प्रा. डॉ. ईश्वर सोनगरे, रईस अमीर, सैय्यद मुख्तार, मिर्झा जाहिद आदी उपस्थित होते.
