भुसावळ (प्रतिनिधी) तालुक्यातील खडका गावामधील ग्रामपंचायतीमध्ये १४ वा वित्त आयोगाच्या निधीत ६ लाख ७१ हजार ७६९ भ्रष्टाचार झाला आहे. या भ्रष्टाचाराची चौकशी करून संबंधितांवर फौजदारी गुन्हे दाखल करावे, अशी मागणी सामाजिक कार्यकर्ते शेख रऊफ शेख युसुफ यांनी भुसावळ गट विकास अधिकारी यांच्याकडे एका निवेदनाद्वारे केली आहे.
सामाजिक कार्यकर्ते शेख रऊफ शेख युसुफ यांनी केलेल्या तक्रारीत म्हटले आहे की, भुसावळ तालुक्यातील खडका गावांमध्ये १४ वा वित्त आयोगाच्या पैशांमध्ये मोठ्या प्रमाणात भ्रष्टाचार झाला आहे. भ्रष्टाचार करत असताना गावातील सरपंच, उपसरपंच व प्रभारी सरपंच यांनी आपल्या मनमर्जी प्रमाणे शासनाकडून आलेल्या पैशांची उधळपट्टी केलेली आहे. याचे पुरावे आम्ही सोबत जोडलेल्या कागदामध्ये दिसत आहे. ग्रामसेवक व सरपंच, उपसरपंच, प्रभारी सरपंच यांनी आपल्या मनात येतील त्याप्रमाणे निधीचे वाटप केलेला आहे. विकासाचे काम करण्यात आलेले नाही. याउलट सर्व काम निनावी व बनावट असल्याचे समोर येत आहे. याचे उदाहरण की, अंगणवाडीची खेळणी सुमारे ६ लाख ७१ हजार ७६९ रुपयांची दाखवण्यात आलेली आहे. वास्तविक प्रत्यक्ष रुपात कोणतीही खेळणी आजरोजी अंगणवाडी परिसरमध्ये उपलब्ध नाही. सन २०१६ ते २०१९ पर्यंत ग्रामपंचायतला जे काही निधी शासनाने दिलेला आहे. तसेच ग्रामपंचायतीने तो निधी ज्या कामासाठी खर्च केलेला आहे. त्याच्या थर्ड पार्टी ऑडीट करण्याची नितांत आवश्यकता आहे. तरी आपण आमच्या तक्रारीची दखल घेत खडका गावमध्ये देण्यात आलेले निधी व त्यावर करण्यात आलेल्या खर्चाचा तपशील याची चौकशी करावी, चौकशीअंती निधीचा गैरवापर करणारे संबंधित अधिकारी व पदाधिकारी फौजदारी गुन्हा दाखल करून शासनाच्या व जनतेच्या पैशाचा दुरुपयोग करणाऱ्यांना धडा शिकवावा, असेही सामाजिक कार्यकर्ते शेख रऊफ शेख युसुफ यांनी केली आहे. .
