बोदवड (प्रतिनिधी) तालुक्यातील कापूस चोरीच्या प्रकरणात पोलिसांनी चार चोरट्यांना पकडले असून त्यांच्या कडून ५२,००० रुपयांचा सहा क्विंटल पाच किलो कापूस आणि चोरीसाठी वापरलेली मालवाहू रिक्षा जप्त केली आहे.
बोदवड पोलीस ठाण्यात नोंद असलेल्या कापूस चोरीच्या तक्रारीचा तपास लावण्यास पो नि राजेंद्र गुंजाळ व स पो नि अंकुश जाधव यांचे मार्गदर्शनाने शोध मोहीम राबवली व मिळालेल्या माहिती आधारे या पथकाने निखिल जावरे (रा-नेरकर कॉलनी), राहुल बडगुजर (रा-सहकार नगर), समाधान मोरे (रा-भिलवाडा), रोशन उर्फ अजय धुलकर (रा- भिलवाडा), गणेश उर्फ विश्वनाथ माळी (रा-सहकार नगर,बोदवड) यांना पकडले.
या चोरट्यांनी महावीर जिनिंगआणि वरखेड बु।। येथील शेतकरी लक्ष्मण पाटील यांच्या गोडाऊन मधून कापूस चोरी केल्याचे कबुल करत मुद्देमाल काढून दिला. ही कारवाई पो. कॉ.अयुब तडवी,पो. ना.राजेश महाजन, शशिकांत महाले, पो.कॉ.दिपक पाटील, मुकेश पाटील, निखिल नारखेडे, नीलेश शिसोदे,भगवान पाटील, सहा. फौजदार सुधाकर शेजोळे यांनी पार पाडली. सदर गुन्ह्याचा पुढील तपास हे.कॉ रवींद्र गुरचळ व पो.हे.कॉ. वसंत निकम हे करीत आहेत.
