जळगाव (प्रतिनिधी) तोंडावर अॅसिड फेकण्याची धमकी देऊन ४० वर्षीय महिलेचा विनयभंग केल्याची घटना उघडकीस आली आहे. याप्रकरणी जळगाव शहर पोलीस स्थानकात विजय विनायक काळसकर (वय ६२ रा. बळीराम पेठ, जळगाव) याच्याविरुद्ध गुन्हा दाखल करण्यात आला आहे.
यासंदर्भात अधिक असे की, सुमारे ७ ते ८ वर्षांपासुन विजय विनायक काळसकर (वय – ६२) हा ४० वर्षीय महिला बाथरुममध्ये असतांना बाथरुमच्या जाळीतून वाईट उद्देशाने बघत होता. पिडीत महिला त्यास समजवण्यास गेली असता काळसकर याने पिडीत महिलेला तोंडावर अँसीड फेकण्याची धमकी दिली. तसेच महिलेच्या मनास लज्जा वाटेल अशा प्रकारचे वर्तन केले. याप्रकरणी जळगाव शहर पोलीस स्थानकात विजय विनायक काळसकर (वय – ६२) याच्याविरुद्ध गुन्हा दाखल करण्यात आला असून पुढील तपास PSI सर्जेराव क्षिरसागर हे करीत आहेत.
