यावल (प्रतिनिधी) पेट्रोल, डिझेल, स्वयंपाकाचा गॅस, खाद्यतेल, डाळींच्या किमती सामान्य लोकांच्या आवाक्याबाहेर गेल्या आहेत. मोदी सरकारने निर्माण केलेल्या या अन्यायकारक महागाईविरोधात यावल तालुका आणि शहर काँग्रेस कमिटीतर्फे आज सायकल रॅलीचे आयोजन करण्यात आले होते.
केंद्रातील नरेंद्र मोदी सरकारच्या मागील ७ वर्षांच्या काळात महागाईने लोकांचे जगणे कठीण केले आहे. पेट्रोल, डिझेल, स्वयंपाकाचा गॅस, खाद्यतेल, डाळींच्या किमती सामान्य लोकांच्या आवाक्याबाहेर गेल्या आहेत. मोदी सरकारने निर्माण केलेल्या या अन्यायकारक महागाईविरोधात यावल तालुका आणि शहर काँग्रेस कमिटीद्वारा आयोजित सायकल रॅली आज यावल शहरात महाराष्ट्र प्रदेश काँग्रेसचे उपाध्यक्ष यावल रावेरचे लोकप्रिय सर्वांचे लाडके आमदार शिरीष चौधरी यांच्या नेतृत्वाखाली शेतकी संघ यावल येथून बुरुज चौक मार्गे, बोरावल गेट मार्गे, सिनेमा चौक तर चोपडा रस्त्यावरील पेट्रोल पंपपर्यंत काढण्यात आली.
रॅलीमध्ये अनेक कार्यकर्ते सायकल घेऊन निघाले. पेट्रोल, डिझेल ,घरगुती गॅस, खाद्यतेलसह इतर जीवनावश्यक वस्तूंच्या अन्यायकारक भाव वाढीमुळे सामान्य जनता, शेतकरी, शेतमजूर, दलित आदिवासीसह इतर समाज भरडला जात असून या जुलमी केंद्र सरकारचा जोरदार निषेध करण्यात आला आणि सह्यांची मोहीम पेट्रोल पंपावर राबवण्यात आली. यावेळी आमदार शिरीष चौधरी यांच्यासह जि.प. गटनेते अप्पासाहेब प्रभाकर सोनवणे यांनी मोदी आणि केंद्रसरकारवर यावल शहरातील प्रत्येक चौकात सायकल रॅली थांबवून लाऊडस्पीकर द्वारे भाषण देऊन जोरदार हल्ला चढवून उपस्थित काँग्रेसच्या कट्टर कार्यकर्त्यांचे मनोबल वाढवून मोदी सरकार हाय हाय, एकही भूल कमल का फुल, वारे मोदी तेरा खेल सस्ती दारू महंगा तेल, नही चलेगी नही चलेगी मोदी ‘तेरी तानाशाही नही चलेगी, बस करो महंगायी की मार वापस जावो मोदी सरकार, अशा घोषणा देऊन संपूर्ण यावल शहर दणाणून सोडलं. यावेळी शहरातून सायकल रॅली जात असतांना जनतेनेही हात देऊन रॅलीचे समर्थन केले.
यावेळी उपस्थितांमध्ये माजी आमदार रमेश चौधरी, इंटकचे जिल्हाध्यक्ष भगतसिंगबापू पाटील, पस गटनेते शेखर पाटील, काँग्रेस सेवा फाऊंडेशनचे जिल्हाध्यक्ष जलील पटेल, युवानेते वाढोदा गावचे तरुण सरपंच संदीप सोनवणेसह त्यांचे सर्व कार्यकर्ते, नगरसेवक मनोहर सोनवणे, गुलाम रसूल मेंबर, नगरसेवक समीर मोमीन, जाकीरभाई, अस्लम शेख, समीर खान, फैजपूर सर्व नगरसेवक फैजपूर शहराध्यक्ष रियाज, युवक काँग्रेस अध्यक्ष वसीम जनाब, यावल शहरउपाध्यक्ष अनिलभाऊ जंजाळेसह त्यांचे सर्व कार्यकर्ते हाजी गफ्फार शाह, काँग्रेस सेवा फाऊंडेशनचे तालुका अध्यक्ष अभय महाजन, शहराध्यक्ष, नईम शेख, विक्की पाटील, विनोद पाटील, तौफिक शेख, दहिगावचे तरुण तडफदार सरपंच अजय अडकमोल, बामनोद गावचे युवा सरपंच राहुल तायडे सह त्यांचे सर्व कार्यकर्ते, कोरपावली गावचे कर्तव्यदक्ष तरुण सरपंच विलास अडकमोलसह त्यांचे कार्यकर्ते, गौरव महाजनसह त्यांचे कार्यकर्ते, काँग्रेस प्रदेश प्रतिनिधी उमेश जावळे, लीलाधर सोनवणे, समाधान पाटील, रमेश पाटील, धीरज महाजन, अशपाक शाह, किरण सोनवणे, चेतन सोनवणे, विक्की सोनवणे, धीरज सोनवणे, राजू पिंजारी, इम्रान पहेलवान, सत्तारभाई तडवी, बशीर तडवी, पुंडलिक बारी, अभिषेक इंगळेसह असंख्य कार्यकर्ते पाऊस असतांना सुद्धा उपस्थित होते.
