नवी दिल्ली (वृत्तसंस्था) एका भोंदू बाबाला थायलंडमध्ये (Thailand) पोलिसांनी अटक केली आहे. हा बाबा आपल्या अनुयायांना मल खाण्याचा आणि मूत्र पिण्याचा सल्ला देत होता. मिळालेल्या माहितीनुसार, थावी नानरा असे या भोंदू बाबाचे नाव असून तो ७५ वर्षांचा आहे. याला पोलिसांनी थायलंडच्या (Thailand) छेयाफुम (Chaiyaphum) येथून अटक केली आहे. हा बाबा एका जंगलात राहत होता. योथेच छापा टाकून पोलिसांनी त्याला अटक केली.
खबऱ्याने पोलिसांना दिलेल्या माहितीनुसार, एक महिला या बाबाकडे गेली होती. मात्र ती परत आलीच नाही. यानंतर, या बाबसंदर्भात माहिती मिळाली. मांध्यमांतील वृत्तानुसार, मिळालेल्या माहितीच्या आधारे पोलीस या बाबाला अटक करण्यासाठी गेले असता बाबाचे अनुयायी आणि पोलीस यांच्यात झटापट झाली होती. मात्र, पोलिसांनी बाबाला अटक केली आहे.
मिळालेल्या माहितीनुसार, या भोंदू बाबाच्या आश्रमात जवळपास डझनावर अनुयायी आणि ताबूतांसह ११ मृतदेह सापडले. हे मृतदेह बाबांच्या अनुयायांचेच असल्याचेही बोलले जात आहे. खरे तर, या बाबाचा आश्रम शहरापाहून बराच दूर एका जंगलात आहे. यामुळेच हा बाबा अद्यापपर्यंत पोलिसांपासून वाचून होता.
