विरार (वृत्तसंस्था) भाजप नेते प्रवीण दरेकर (Pravin Darekar), गिरीश महाजन (Girish Mahajan) यांच्यासह भाजप नेते आज हितेंद्र ठाकूरांच्या भेटीला आले होते. त्यावेळी ‘आप्पा मला शिव्या दिलेल्या आहेत, असे मी ऐकलं,’ असे उत्स्फूर्त उद्गार दरेकर यांनी काढले. त्यावर ‘प्रसाद (प्रसाद लाड) आला असता तर नक्कीच शिव्या घातल्या असता’ असे उत्तर ठाकूर यांनी दिले. दरम्यान, ही चर्चा पत्रकारांसमोर चालल्याचे पाहून महाजनांनी ती आवरली.
विधान परिषद निवडणुकीच्या पार्श्वभूमीवर विधान परिषदेतील विरोधी पक्षनेते तथा भाजपचे उमेदवार प्रवीण दरेकर, माजी मंत्री गिरीश महाजन हे आज हितेंद्र ठाकूर यांच्या भेटीसाठी विरारमध्ये दाखल झाले आहेत. हितेंद्र ठाकूर यांच्या कार्यालयात ही भेट होत असून बंद दरवाज्याआड त्यांच्यामध्ये चर्चा सुरू आहे. हितेंद्र ठाकूर यांच्या तीन मातांना मोठे महत्त्व आले आहे. या वेळी गाडीतून उतरताच ‘आप्पा मी ऐकलं, मला तुम्ही शिव्या दिलेल्या आहेत…’ असे उत्स्फूर्त उद्गार हितेंद्र ठाकूर यांना पाहून प्रवीण दरेकर यांनी काढले. त्यावर ‘प्रसाद (प्रसाद लाड) आला असता तर नक्कीच शिव्या घातल्या असत्या’ असे उत्तर हितेंद्र ठाकूर यांनी दिले. ही चर्चा पत्रकारांसमोर खुलेपणाने सुरू आहे, हे लक्षात येताच मात्री मंत्री गिरीश महाजनांनी ती आवरती घेतली. त्यानंतर हे सर्वजण ठाकूर यांच्या कार्यालयात चर्चेसाठी गेले आहेत. त्यांच्या विधान परिषदेच्या निवडणुकीत मदत करावी, यासासाठी भाजपकडून ठाकूर यांना गळ घातली जात आहे.
