अडावद (प्रतिनिधी) चोपडा तालुक्यातील धानोरा गावातील एका घरातून रोख रक्कमेसह मोबाईल, सोन्या चांदीचे दागिने, असा एकूण ३ लाख १९ हजार रुपयांचा माल चोरी झाल्याची घटना समोर आली आहे. याप्रकरणी अडावद पोलीस स्थानकात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात शेख जुबेर शेख अकबर (वय ३० रा. धानोरा ता. चोपडा) यांनी दिलेल्या फिर्यादीनुसार, दि. २१ मे २०२२ रोजी अज्ञात चोरट्याने फिर्यादी यांचे राहते घरातून ७० हजार रुपये किंमतीचा मोबाईल, ७० हजार रुपये रोख व दुसऱ्या खोलीतील १ लाख ५० हजार रोख, १० हजार रुपये किंमतीची सोन्याची अंगठी, ९ हजार रुपये किंमतीची कानातील सोन्याची रिंग, १० हजार रुपये किंमतीचे चांदीचे ब्रेसलेट, असा एकूण ३ लाख १९ हजार रुपयांचा मुद्देमाल चोरून नेला. या प्रकरणी अडावद पोलीस स्थानकात अज्ञात चोरट्याविरुद्ध गुन्हा दाखल करण्यात आला असून पुढील तपास पोहेकॉ सुनील तायडे हे करीत आहेत.
