भुसावळ (प्रतिनिधी) शहरातील लक्ष्मी नगर भागात अज्ञात चोरट्यांनी धाडसी घरफोडी करत ३७ हजाराचा ऐवज लंपास केल्याची घटना उघडकीस आली आहे.
सविस्तर वृत्त असे की, इकरामुल हक मोनिस खान (रा. मुन्ना तेली यांच्या घराजवळ लक्ष्मी नगर) अजीज ठेकेदार यांचे स्वतःचे व इकरामुल हक राहत असलेल्या भाड्याच्या घरात दि. १६ मार्च २०२० रोजी रात्री १० वाजेच्या सुमारापासून ते १९ ऑक्टोंबर रोजी सकाळी ९.३० वाजेच्या सुमारास मुख्य दरवाजाचे कुलूप तोडून घरात प्रवेश करून कोणीतरी अज्ञात चोरट्याने फिर्यादीच्या संमतीवाचून घरातील एल.ई.डी टीव्ही, चांदीच्या वाट्या, चांदीचे पायल, सोन्याच्या अंगठ्या, नाकातील फुली, कानातील सोन्याच्या रिंग असे एकूण ३७ हजार किंमतीच्या वस्तू कोणीतरी अज्ञात चोरट्याने लबाडीच्या इरादयाने चोरून नेले म्हणून गु.रु.न ८९५/ २०२० भा.द.वि.कलम ४५४,४५७,३८० प्रमाणे गुन्हा दाखल करण्यात आला आहे. पुढील तपास बाजारपेठ पोलीस स्टेशनला पोलीस निरीक्षक दिलीप भागवत यांच्या मार्गदर्शनाखाली पो.ना. तेजस पारीसकर करीत आहे.
