जळगाव (प्रतिनिधी) स्थानिक गुन्हे शाखेचे पोलीस निरीक्षक किरणकुमार बकाले यांनी एका समाजाविषयी आक्षेपार्ह्य व अश्लील भाषा वापरल्याप्रकरणी त्यांना तत्काळ निलंबित करावे, अन्यथा मोठा मोर्चा काढण्यात येईल, असा इशारा चाळीसगावचे आमदार मंगेश चव्हाण यांनी फेसबुक लाईव्हच्या माध्यमातून दिला होता. याची दखल घेत नाशिक विभागाचे पोलीस महानिरीक्षक बी. जी. शेखर यांनी आ. चव्हाण यांच्यासोबत संवाद साधत बकाले यांचे आज रात्रीतून निलंबनाचे आदेश काढून डीई (खाते निघाय चौकशी) लावतो असे आश्वासन दिले आहे.
आमदार मंगेश चव्हाण यांनी फेसबुक लाईव्हच्या माध्यमातून स्थानिक गुन्हे शाखेचे पोलीस निरीक्षक किरणकुमार बकाले यांनी एका समाजाविषयी आक्षेपार्ह्य व अश्लील भाषा वापरल्याप्रकरणी त्यांना निलंबित करण्याची मागणी केली होती. मागणी मान्य न झाल्यास मराठा समाजाचा महामोर्चा काढण्याचा ईशारा दिला होता. याची गंभीर दखल घेत नाशिक विभागाचे पोलीस महानिरीक्षक बी. जी. शेखर यांनी आ. चव्हाण यांच्यासोबत संवाद साधत बकाले यांचे आज रात्रीतून निलंबनाचे आदेश काढून डीई (खाते निघाय चौकशी) लावतो असे आश्वासन दिले आहे. आ. चव्हाण यांनी याबाबतच्या वृत्ताला ‘द क्लिअर न्यूज’सोबत बोलतांना दुजोरा दिला आहे त्यामुळे रात्रीतून बकाले यांच्याविरुद्ध कारवाई होणार असल्याचे स्पष्ट झाले आहे.
दरम्यान, सदर ऑडिओ क्लिप अतिशय आक्षेपार्ह्य असून अशी प्रवृत्ती पोलीस प्रशासनात राहणे म्हणजे जातीयवादाला खतपाणी घालणे आहे. लोकप्रतिनिधी म्हणून कुठल्याही दोन समाजात सामंजस्य राखणे माझी जबाबदारी आहे. सदर आक्षेपार्ह्य ऑडिओ क्लिप समाजात प्रसारित झाल्यानंतर तीव्र स्वरूपाच्या प्रतिक्रिया समाजात उमटतील याची जाणीव पोलीस दलाने ठेवावी. सदर पोलीस अधिकारी किरणकुमार बकाले यांचे तात्काळ निलंबन करावे. तसेच सदर प्रकरणाची सखोल चौकशी करण्यात यावी. अन्यथा येणाऱ्या काळात असंतोष निर्माण होऊन कायदा सुव्यवस्थेचा प्रश्न निर्माण झाल्यास त्यास पूर्णपणे पोलीस दल जबाबदार राहतील याची नोंद घ्यावी, असा थेट ईशारा आमदार मंगेश चव्हाण यांनी पोलीस प्रशासनाला दिला होता. त्यामुळे पोलीस दलाने तातडीने पावलं उचलत आ. चव्हाण यांना कारवाईचे आश्वासन दिले आहे.
