मुंबई (वृत्तसंस्था) सुप्रिया सुळेंबाबत धनंजय मुंडेंचं मत, विचारसरणी काही बरी नसल्याचा धक्कादायक आरोप धनंजय मुंडे यांच्या पत्नी करूणा मुंडे यांनी केला आहे. एवढेच नव्हे तर याबाबतची रेकॉर्डिंग थेट शरद पवार आणि सुप्रिया सुळेंना ऐकवणार असल्याचं त्यांनी सांगितल्यावर राजकीय वातावरण ढवळून निघाले आहे.
धनंजय मुंडे यांच्या पत्नी करूणा मुंडे यांनी म्हटले की, धनंजय मुंडे यांची सुप्रिया सुळे यांच्याबाबतीत विचारसरणी बरी नाही. इतकंच नाही तर त्याबद्दलची रेकॉर्डिंगही त्यांच्याकडे असून ती शरद पवारांना ऐकवणार असल्याचं मुंडे म्हणाल्या. कोल्हापूर विधानसभा पोटनिवडणुकीमध्ये मदत न केल्याने करूणा मुंडेंनी धनंजय मुंडेवर अनेक आरोप केले होते.
करूणा मुंडे म्हणाल्या की सुप्रिया सुळेंना मी चार ते पाच फोन केले पण त्यांनी एकदाही त्यांनी कॉलबॅक केला नाही. तेच शरद पवारांना कॉल केले तर त्यांच्या ऑफीसवरून मला बोलावणं आलं आणि मी धनंजय मुंडे ना सांगितलं. हाच माझा मुर्खपणा ठरला असं त्या म्हणाल्या. कारण यानंतर मला पुन्हा शरद पवारांचा फोन आला आणि त्यांनी भेट नाकारली. इतकंच नाही तर सुप्रिया सुळेंबाबत धनंजय मुंडेंचं मत, विचारसरणी काही बरी नसल्याचा खुलासा त्यांनी केला. याबाबत आणखी खुलासा करण्यास सांगितल्यावर त्यांनी नकार दिला. परंतू सदर रेकॉर्डिंग थेट शरद पवार आणि सुप्रिया सुळेंना ऐकवणार असल्याचं त्यांनी सांगितलंय. दरम्यान, ‘मॅक्स महाराष्ट्रा’ने याबाबतचे वृत्त दिले आहे.
