धरणगाव (प्रतिनिधी) : येथील सोमवंशीय सहस्रार्जुन क्षत्रिय खत्री समाजातर्फे धानपंचमी उत्सव हर्षोल्हासात साजरा करण्यात आला. यानिमित्त काढण्यात अालेल्या मिरणुकीत महिलांसह तरुणींची माेठ्या संख्येने उपस्थिती हाेती. यानिमित्त सकाळी ११ वाजता श्री मच्छोदरी मंदिरात महाआरती करुन त्यानंतर महाप्रसाद वाटप करण्यात आला.
अॅड. गिरीश छोटूलाल कट्यारे यांनी महाप्रसादाचे अायाेजन केले हाेते. सायंकाळी ५ वाजता लेझीम पथक, ढोल-ताशांच्या गजरात मिरवणूक काढण्यात अाली. सुवासींनीनी डोक्यावर धानाच्या टोपल्या ठेवून त्यानंतर विधिवत विसर्जन केले. या वेळी भावी काळात भरपूर धान्य मिळू दे, सर्वांना सुखाचे दिवस येऊ दे, अशी प्रार्थना करण्यात आली. या मिरवणुकीत अबाल वृद्ध, तरुण, तरुणींनी सहभाग नोंदवला हाेता. त्यानंतर श्री मच्छोदरी मंदिरात रामचंद्र सुतारे, गणेश रावतोळे, राजेंद्र पडाेळ यांनी मार्गदर्शन केले. सूत्रसंचालन ईश्वर क्षत्रिय यांनी केले. समाजाचे अध्यक्ष पुरुषोत्तम सुतारे यांनी आभार व्यक्त केले. यापुढील सामाजिक कार्यक्रम ही एकोप्याने साजरा करण्याचा या वेळी सर्वांनी निर्धार केला.
