नवी दिल्ली (वृत्तसंस्था) आपण नेहमी पाहतो की, राजकीय नेते व्यासपीठावरून तासंतास भाषण देतात. पण ते तासंतास कसे काय भाषण देतात?, हे कधी जाणून घेण्याचा प्रयत्न केला आहे का?, भाषण देताना लोकांच्या नजरेला नजर मिळून भाषण द्यावे लागते. त्यामुळे अनेक जण अशा डिव्हाइसचा वापर करतात. जे समोर असतात पण, लोकांना याचा काहीही थांगपता लागत नाही. जर तुम्हाला या डिव्हाइस संबंधी माहिती नसेल तर जाणून घ्या.
आम्ही ज्या डिव्हाइससंदर्भात बोलत आहोत, त्याला टेलीप्रॉम्प्टर असे म्हणतात. या डिव्हाइसचा वापर टेक्स्ट वाचण्यासाठी आणि कॅमेऱ्यासमोर केला जातो. यामुळे समोर बसलेल्या लोकांना, आपण कशापद्धतीने बोलत आहोत, याची भनकही लागत नाही आणि आपण न थांबता आपले बोलणे पूर्ण करू शकतात. टेली प्रॉम्प्टर्सचे अनेक प्रकार आज बाजारात उपलब्ध आहेत. मात्र, राजकीय नेते ज्या पद्धतीच्या टेली प्रॉम्प्टरचा वापर करतात, ते पारदर्शक काचेसारखे असते. हे प्रेक्षकांना सामान्य काचेसारखे वाटते, परंतु स्टेजवर असलेल्या व्यक्तीला सर्वकाही स्पष्टपणे दिसते. या टेलिप्रॉम्प्टरचे नियंत्रण स्क्रीन पाहणाऱ्या व्यक्तीकडे असते, त्यामुळे मजकुराचा वेग सहजपणे वाढवता अथवा कमी करता येतो.
टेली प्रॉम्प्टरची किंमत लाखो रुपयांत आहे. कारण ते हाय-टेक तंत्रज्ञानावर काम करतात. ते मिटिंग्स सभा आणि रॅलींमध्ये वापरले जाते. देश-परदेशात यांना मोठी मागणी आहे. टेली प्रॉम्प्टर कमी बजेट मध्येही मिळते. पण ते तेवढे हायटेक नसतात. तसेच, वापरण्यातही अडथळा येतो. पत्रकारितेच्या संस्थांमध्येही अॅकर्स याचा वापर करून बातम्या वाचतात आणि तुम्हाला कळतही नाही.
तुम्ही सांगताय ते तंत्रज्ञान आहे पण मोदींना त्याची गरज नाही हे त्यांनी आगोदरच स्पस्ट केले आहे, मोडींप्रमाणेच राज ठाकरे ही हे तंत्रज्ञान वापरत नाहीत, हे सर्व नेत्यांना किती सामान्य द्यान ह्यावर अवलंबून आहे.