भुसावळ (प्रतिनिधी) शहरात आठवडे बाजार भाजीपाला मार्केट समोर भंगार दुकानाच्या आडोशाला काही लोक झन्ना मन्ना मांग नावाचा जुगार पैसे लावून खेळत आहे. अशी बातमी गुप्तदारांकडून मिळाली असता बाजारपेठ पोलीस स्टेशनचे कर्मचाऱ्यांनी लागलीच बाजारपेठ पोलीस स्टेशनला प्रभारी पोलीस निरीक्षक विलास शेंडे यांना बोलावून माहिती दिली व मिळालेल्या माहितीची खात्री करण्यासाठी कर्मचारी गेले असता काही लोक जुगार खेळतांना मिळून आल्याने भुसावळ बाजारपेठ पोलीस स्टेशनच्या कर्मचाऱ्यांनी दबंग कारवाई करीत १३ आरोपीतांना जुगार खरळण्याचे साहित्य सह ताब्यात घेऊन अटक केली.
यासंदर्भात अधिक असे की, फिर्यादी पोकॉ जावेद शहा हकीम शहा यांनी दिलेल्या फिर्यादी वरून दिनांक 26 मे 2022 रोजी 07.00 वाजता भुसावळ शहरात बाजार भाजीपाला मार्केट समोर भंगार दुकानाच्या आडोशाला काही लोक झन्ना मन्ना नावाचा जुगार पैसे लावून खेळत आहे. अशी बातमी गुप्तदारांकडून मिळाली असता लागलीच बाजारपेठ पोलीस स्टेशनला प्रभारी पोलीस निरीक्षक विलास शेंडे यांना बोलावून माहिती दिली व खात्री करण्यासाठी स.फै.शरिफोद्दीन काझी, पोहेकॉ विजय नेरकर, पोकॉ प्रणय पवार, जीवन कापडे, योगेश माळी, विनोद डोळे अशांनी गोपनीय माहितीची खात्री करण्यासाठी गेले असता घटनास्थळी काही इसम झन्ना मन्ना नावाचा मांग जुगाराचा खेळ खेळत पैसे लावून खेळतांना दिसले असता पोलीस कर्मचाऱ्यांनी सापळा रचून छापा टाकून आरोपी दिपक सुरेश चौधरी (रा. हनुमान नगर भुसावळ), शेख अनवर शेख अकबर पटवे (भुसावळ), सुनील सुरेश चौधरी रेल्वे नॉर्थ कॉलनी (भुसावळ), भुपेद्रकुमार रामलाल शाक्या (वय 38 रा.रेल्वे कॉलनी भुसावळ), शेख शाहीद शेख गुलाब नबी खाटीक (रा.शिवाजी नगर भुसावळ) तुषार भरत पाटील, सुहास नगर (भुसावळ), पंकज राजु भारंबे (गंगाराम प्लॉट भुसावळ), प्रविण संतोष चौधरी (देना नगर भुसावळ), विकास प्रकाश पाटील, पंचशिल नगर (भुसावळ), योगेश रमेश सपकाळे महात्मा फुले नगर (भुसावळ), राजु नामदेव धांडे पंचशील नगर (भुसावळ), रहीम शहा मोहम्मद शहा दिनदयाल नगर (भुसावळ), संतोष सिताराम राठोड देना नगर (भुसावळ) हे त्यांचे स्वतःच्या फायद्यासाठी पैसे लावून झन्ना मन्ना नावाचा मांग पत्त्यांचा पत्ता जुगाराचा खेळ खेळतांना व खेळवितांना मिळून आले असून त्यांच्या कडून पत्ता जुगाराची साधने व 95190 रोख रुपयांसह मुद्देमाल जप्त करण्यात आला आहे. म्हणून आरोपीतांना विरुद्ध बाजारपेठ पोलीस स्टेशनला दिनांक 26 मे 2022 रोजी गुरुन 298/2022 महाराष्ट्र जुगार प्रतिबंधक अधिनियम 1887 कलम 12(अ) प्रमाणे गुन्हा दाखल करण्यात आला आहे. गुन्ह्याचा पुढील तपास पोहेकॉ विजय नेरकर करीत आहे.
सदर बाजारपेठ पोलीस स्टेशनच्या कर्मचाऱ्यांनी कौतुकास्पद कामगिरी केली आहे. सूत्रांकडून मिळालेल्या माहितीनुसार, झन्ना मन्ना नावाचा मांग जुगाराचा खेळ सुरू असतांना त्यावेळी 25 ते 30 जणांचा समावेश होता व खेळणाऱ्यांकडे अंदाजे 4 लाख रुपयांपर्यतची रक्कम होती. छापा टाकल्यानंतर सर्व आरोपीतांना बाजारपेठ पोलीस स्टेशनला आणण्यात आले होते. मग नेमके पोलीस स्टेशनला आरोपी आणल्यानंतर गुन्ह्यातून त्यांची नावे वगळणारे कोण?तसेच आरोपी कडील रक्कम कमी दाखविणारे सूत्रधार कोण ही एक संशोधनाची बाब आहे. नेमके या प्रकरणा मागील सूत्रधार कोण?असा प्रश्न निर्माण होत आहे. एकीकडे बाजारपेठ पोलीस स्टेशनचे निरीक्षक राहुल गायकवाड व पोलीस उपविभागीय अधिकारी सोमनाथ वाघचौरे दोघे अधिकारी रजेवर असतांना बाजारपेठ पोलीस स्टेशनचे कर्मचाऱ्यांनी एवढी मोठी कारवाई केली ही खरच कौतुकास्पद आहे. अशीच एक कारवाई दोघे अधिकारी रजेवर असतांना बाजारपेठ पोलीस स्टेशनच्या कर्मचाऱ्यांनी कॉपरची आरोपी सोबत सेटिंग केली होती.ते हे प्रकरण गुलदस्त्यात आहे.त्यात आता भर पडली असून झन्ना मन्ना नावाचा मांग जुगाराची कारवाई मागील झालेला “झोल ” वरिष्ठ अधिकारी उघडणार का “पोल” असा सवाल जनसामान्यांकडून होत आहे.
