मुंबई (वृत्तसंस्था) डॉ. शीतल आमटे यांनी आत्महत्येपूर्वी एक सूचक पेंटिंग सोशल मीडियावर शेअर केली आहे. ही पेंटिंग त्यांनी स्वतः काढली असून यावर २९ नोव्हेंबर २०२० अशी तारीखही आहे. हे पेंटिंग शेअर करताना शीतल आमटेंनी युद्ध आणि शांतता अशी कॅप्शनही दिली आहे.
डॉ. विकास आमटे यांच्या कन्या व महारोगी सेवा समितीच्या मुख्य कार्यकारी अधिकारी डॉ. शीतल आमटे-करजगी यांनी आत्महत्या केली असल्याची धक्कादायक माहिती समोर आली आहे. शीतल आमटे यांनी झोपेच्या गोळ्या खाऊन आत्महत्या केल्याची माहिती मिळत आहे. वरोरा उपजिल्हा रुग्णालयात उपचारासाठी नेले असता त्यांना मृत घोषित करण्यात आले.
