नाशिक (वृत्तसंस्था) गेल्या काही दिवसांपासून राष्ट्रवादीचे नेते एकनाथराव खडसे यांना सर्दी आणि खोकल्याचा त्रास जाणवत होता. त्यांनतर खडसे यांनी आपली कोरोना चाचणी केली. आता ते कोरोना बाधित असल्याचे स्पष्ट झाले आहे. त्यांना आता १४ दिवस क्वारंटाईन व्हावे लागणार आहे.
या कोरोनाच्या चाचणीचा अहवाल काल रात्री जिल्हा प्रशासनाला प्राप्त झाला. खडसे यांना कोरोनाची लागण झाल्याच त्यात समोर आले आहे. या घटनेला खडसे परिवाराकडून अद्याप कोणताही दुजोरा देण्यात आलेला नाही. तसे त्यांच्याशी संपर्कही होऊ शकलेला नाही. खडसे यांना कोरोनाची लागण झाल्याची माहिती विश्वसनीय वैद्यकीय सूत्रांनी दिली आहे.
