फैजपूर (प्रतिनिधी) माजी मंत्री तथा राष्ट्रवादीचे ज्येष्ठ नेते आमदार एकनाथराव खडसे यांच्यासह व पक्षाची व्हॉट्सअ‍ॅप ग्रुपवर बदनामी केल्याप्रकरणी फैजपूर पोलिसात एकाविरुद्ध गुन्हा दाखल करण्यात आला. राष्ट्रवादीच्या पदाधिकार्‍यांनी याबाबतची तक्रार दिलीय.
या संदर्भात अधिक असे की, शिवमुद्रा या व्हॉट्सअ‍ॅप ग्रुपवर मृत्युंजय नामक व्यक्तीने एकनाथराव खडसे यांच्यावर गलिच्छ व खोटे आरोप करत समाजात तेढ निर्माण करण्याचा प्रयत्न केला आहे. या प्रकरणी राष्ट्रवादी काँग्रेस पक्षाचे शहराध्यक्ष अन्वर खाटीक यांनी संबंधित व्यक्तीविरोधात पोलिस प्रशासनाला निवेदन देवून दिल्यानंतर गुन्हा दाखल करण्यात आला आहे. प्रसंगी राष्ट्रवादी काँग्रेस पक्षाचे शहराध्यक्ष अन्वर खाटीक, राहुल चौधरी राष्ट्रवादी युवक काँग्रेस तालुका संघटक, विनोद कोल्हे, राष्ट्रवादी युवकचे शहराध्यक्ष शाकीर शेख, अल्पसंख्यांक जिल्हा उपाध्यक्ष वसीम जनाब, युवा नेता मुद्दसर जनाब, प्रकाश पारधे, सामाजिक न्याय विभाग जिल्हा जळगावचे राष्ट्रवादी आदिवासी सेलचे तालुका उपाध्यक्ष सरदार तडवी व असंख्य पदाधिकारी कार्यकर्ते उपस्थित होते.
