एरंडोल (प्रतिनिधी) तालुक्यातील टोळी खुर्द येथील एका तरुणीला हळद लागण्यापूर्वीच तिची अंत्ययात्रा काढण्याचा दुर्दैवी प्रसंग आई-वडिलांवर ओढवला.
टोळी, ता. एरंडोल येथील एका १८ वर्षीय युवतीचा विवाह करमाड येथे मंगळवारी होणार होता. त्यामुळे घरामध्ये लगीनघाई व आनंदाचे वातावरण पसरले होते. सोमवारी तिला वरपक्षाकडील पाहुणे घेण्याकरिता सोमवारी सायंकाळी तिला करमाड येथे हळद लागणार होती. त्याआधीच टोळी येथे सकाळी ११ वाजेच्या सुमारास या नियोजित वधूने शेतातील विहिरीत उडी मारून आपली जीवनयात्रा संपवली. या प्रकारामुळे तिच्या आईवडिलांसह लग्नानिमित्त आलेल्या वऱ्हाडी मंडळींनी एकच हंबरडा फोडला.तर विवाह समारंभासाठी सजलेल्या मंडपात दुःखदायी वातावरण निर्माण झाले याबाबत एरंडोल पोलिस स्टेशनला अकस्मात मृत्यूची नोंद करण्यात आली असून, पुढील तपास पोलिस हेड कॉन्स्टेबल राजेश पाटील करीत आहेत.
