जळगाव (प्रतिनिधी) येथील एकलव्‍य ग्राऊंडवरील टाटा आयपीएल फॅन पार्क ३० एप्रिल रोजी क्रिकेटप्रेमींनी खचाखच भरले होते. जेथे त्‍यांनी राजस्‍थान रॉयल्‍सविरूद्ध खेळलेल्‍या मुंबई इंडियन्‍सला सर्वांनी पाठिंबा दिला.
लीगबाबतचा उत्‍साह शिगेला पोहोचला असताना जळगावमधील क्रिकेटप्रेमींना उत्‍साहवर्धक टाटा आयपीएल फॅन पार्कमध्‍ये जिओसिनेमाने आमंत्रित केले होते. हजारो क्रिकेटप्रेमी वीकेण्‍डला त्‍यांच्‍या आवडत्‍या संघांना पाठिंबा देण्‍यासाठी उपस्थित होते. रविवारी खेळवण्‍यात आलेल्‍या डबल-हेडरपैकी पहिल्या सामन्‍यामध्‍ये पंजाब किंग्‍जने चेन्‍नई सुपर किंग्‍जचा चार गडी राखत पराभव केला. तर पुढील सामन्‍यामध्‍ये मुंबई इंडियन्‍सने राजस्‍थान रॉयल्‍सचा सहा गडी राखत पराभव केला.
आपल्या डिजिटल केंद्रित ऑफरींग्जचा विस्तार करत जिओसिनेमा पहिल्यांदाच देशभरात आऊट ऑफ होम स्पोर्ट्स व्ह्यूईंग ओम्नी उपस्थिती निर्माण करत आहे, जेथे १६ एप्रिलपासून पहिल्या तीन विकेंड्स मध्ये १५ शहरे व नगरांपर्यंत पोहोच वाढवण्यात आली आहे. जिओसिनेमावरील विक्रमी टाटा आयपीएल दर्शकात्वामधून लाईव्ह स्पोर्ट्स पाहताना ग्राहक डिजिटलला देत असलेले प्राधान्य दिसून येते आणि आता ते समुदाय व्ह्यूईंग आणत जागतिक बेंचमार्क स्थापित करत आहेत.
मुंबई इंडियन्‍स वि. राजस्‍थान रॉयल्‍स हा टाटा आयपीएलचा १०००वा सामना होता आणि या सामन्‍याने आयपीएलचा स्‍तर अधिक उंचावला. मुंबईकर यशस्‍वी जैस्‍वालने रॉयल्‍स संघासाठी ६२ चेंडूंमध्‍ये १२४ धावांची खेळी केली, ज्‍यामुळे राजस्‍थान रॉयल्‍सला २०० पेक्षा अधिक धावा करता आल्‍या. यानंतर टीम डेव्हिडने १४ चेंडूंमध्‍ये ४५ धावांची विस्‍फोटक खेळी करत मुंबई इंडियन्‍सला विजय मिळवून दिला. या सामन्‍यापूर्वी खेळवण्‍यात आलेल्‍या सामन्‍यामध्‍ये पंजाब किंग्‍ज व चेन्‍नई सुपर किंग्‍ज या संघांनी देखील क्रिकेटप्रेमींना उत्तम खेळाचे प्रदर्शन दाखवले, जेथे या सामन्‍यामध्‍ये एकूण ४०१ धावा करण्‍यात आल्‍या.
