अमळनेर (प्रतिनिधी) शेतातील विहिरीत एका प्रौढाचा पाण्यात पडून बुडून मृत्यू झाल्याची घटना अमळनेर तालुक्यातील निसर्डी शिवारात शनिवारी २७ जुलै रोजी उघडकीला आले आहे. याप्रकरणी अमळनेर पोलीस ठाण्यात अकस्मात मृत्यूची नोंद करण्यात आली. भीमराव वंजी पाटील (वय-५५, रा. निसर्डी ता.अमळनेर) असे मयत झालेल्या व्यक्तीचे नाव आहे.
अमळनेर तालुक्यातील निसर्डी गावात भीमराव पाटील हे वास्तव्याला होते. दरम्यान निसर्डी शेत शिवारातील शांताराम पाटील यांच्या शेतात असलेल्या विहिरीत त्यांचा पाण्यात बुडून मृत्यू झाला. ही बाब शनिवारी २७ जुलै रोजी सकाळी १० वाजता विहिरीत कुजलेल्या अवस्थेत मृतदेह तरंगतांना मिळून आला. दरम्यान या ठिकाणी अमळनेर पोलिसांनी धाव घेऊन पंचनामा करत मृतदेह विहिरीतून बाहेर काढला. याप्रकरणी अमळनेर पोलीस ठाण्यात अकस्मात मृत्यूची नोंद करण्यात आली. ही आत्महत्या आहे की विहिरीत पडले याबाबत कोणताही खुलासा झालेला नाही.
