साकळी ता.यावल (प्रतिनिधी) महाराष्ट्र माळी समाज महासंघांतर्गत नुकताच जिल्हा दौरा आयोजित केलेला होता. या दौऱ्यादरम्यान (दि.१) रोजी तालुक्यातील साकळी येथे संत सावता महाराज मंगल कार्यालयात बैठकीचे आयोजन करण्यात आले होते.
विविध पदाधिकारी निवड तसेच तालुकाध्यक्ष निवड कामी सदर दौऱ्याचे आयोजन करण्यात आलेले होते. या दौऱ्यात महासंघाचे प्रदेश्याध्यक्ष शालिग्राम मालकर, विदर्भ प्रभारी डॉ.नलिन महाजन,अॅड.वैशालीताई महाजन, जिल्हाध्यक्ष शामराव पाटील, महिला जिल्हाध्यक्ष संध्याताई माळी, प्रेरणाताई महाजन, युवक जिल्हाध्यक्ष गौरव महाजन हे मान्यवर सहभागी झालेले होते. या बैठकीदरम्यान यावल तालुकाध्यक्षपदी संतोष सुरेश महाजन यांची निवड करण्यात आली. त्यानंतर श्री.मालकर यांनी उपस्थित समाजबांधवांना मार्गदर्शन केले व समाजसंघटित ठेवण्यासाठी आवाहन केले. या बैठकीस महासंघाचे जिल्हा सरचिटणिस तथा साकळी माळी समाज उपाध्यक्ष दिनकर माळी, तालुका अध्यक्ष संतोष महाजन, संजय पाटील, दिनेश माळी, सुभाष पाटील, सुरेश माळी, संजय चौधरी, दिलीप महाजन, रमेश महाजन, नितिन महाजन, राजेंद्र माळी, भोजराज महाजन, भिका बोरसे, राजू माळी(सर) आदी समाजबांधव उपस्थित होते.
