जळगाव (प्रतिनिधी) वॉटरग्रेस व महापालिकेत स्वतंत्र लवाद नेमण्यात आला तर महापालिकेचे कोट्यवधी रुपयांचे नुकसान होण्याची शक्यता आहे. त्यामुळे प्रस्तावाला मंजुरी दिली तर संबंधित नगरसेवकांविरोधात तक्रार केली जाईल, असा इशारा अॅड. विजय पाटील यांनी दिला होता. परंतू देखील महासभेत बहुमताने ‘लवाद’ नेमण्यास मंजुरी देण्यात आली. त्यामुळे दि. १२ मे रोजी झालेल्या महासभेच्या संपूर्ण कामकाजाची माहिती व ऑनलाईन झालेल्या महासभेचे संपूर्ण रेकॉर्डींगची, नगरसेवकांचे मतदान, अजेंडा व आयुक्तांचे अभिप्राय बाबतची माहिती अॅड. पाटील यांनी माहिती अधिकार अर्जाद्वारे महानगरपालिकेकडून मागवली आहे. दरम्यान, अटलांटा, गोलाणी मार्केट, घरकुलनंतर आता वॉटरग्रेस विरोधात कायदेशीर पावलं उचलायला सुरुवात झाल्यामुळे पालिकेच्या राजकारणात प्रचंड खळबळ उडाली आहे.
वॉटरग्रेस व महापालिकेत स्वतंत्र लवाद नेमण्यात आला तर महापालिकेचे कोट्यवधी रुपयांचे नुकसान होण्याची शक्यता आहे. लवाद नेमून केवळ संबंधित ठेकेदाराला फायदा होणार असून, महापालिकेचे आर्थिक नुकसान होणार आहे. त्यामुळे, महासभेपुढे प्रशासनाने दिलेल्या ठरावाला सर्वपक्षीय नगरसेवकांनी विरोध करण्याची गरज आहे. नगरसेवकांनी या प्रस्तावाला मंजुरी दिली तर संबंधित नगरसेवकांविरोधात तक्रार केली जाईल, असा इशारा अॅड. विजय पाटील यांनी दिला. घरकुल प्रकरणात देखील लवादाने आरोपींच्या बाजूने एकतर्फी निर्णय घेतला होता. त्यामुळे, अनेक नगरसेवकांना शिक्षा देखील भोगावी लागत आहे. घरकुल प्रकरणापासून नगरसेवकांनी बोध घेऊन वॉटरग्रेसच्या लवाद नेमण्याच्या प्रक्रियेबाबत विचार करूनच निर्णय घ्यावा, असा सल्ला देखील अॅड. विजय पाटील यांनी दिला होता. परंतू तरी देखील लवाद नेमण्यात आला आहे. त्यामुळे विजय पाटील यांनी माहिती अधिकारात महानगपालिकेच्या दि. १२ मे रोजी झालेल्या महासभेच्या संपूर्ण कामकाजाची माहिती व ऑनलाईन झालेल्या महासभेचे संपूर्ण रेकॉर्डींगची, नगरसेवकांचे मतदान, अजेंडा व आयुक्तांचे अभिप्रायसह इतर माहिती मागवली आहे.
अॅड. विजय भास्करराव पाटील यांनी मागितलेली माहिती खालील प्रमाणे आहे.
१) दिनांक १२ मे रोजी झालेल्या जळगाव शहर महानगरपालिका, जळगाव यांच्या महासभेचा संपूर्ण अजेंडा व संपूर्ण डॉकेट यांची आयत्या वेळेच्या विषयांसह सत्यप्रती आपल्या सही शिक्क्यानिशी प्रमाणित करून मिळाव्यात.
२) दि. १२ मे रोजी झालेल्या महासभेतील विषय क्रमांक २ जळगाव शहर महानगरपालिकेच्या मुदत संपलेल्या व्यापारी संकुलातील गाळ्यांबाबत धोरणात्मक निर्णय घेणेबाबत “प्रशासनाकडून दिलेल्या प्रस्तावाची व डॉकेटची तसेच सदर विषय चर्चेच्या वेळी ऑनलाईन उपस्थित असलेल्या संपूर्ण नगरसेवकांच्या नावांच्या यादीची सत्य व प्रमाणित प्रत, तसेच सदरील याच्या वेळी झालेली विस्तृत संपूर्ण चर्चेचा तपशिल रेकॉर्डींग, इतिवृत्ताची सही शिक्याची प्रमाणित सत्यप्रत तसेच सदरील विषयास उपस्थित असणाऱ्या सर्व नगरसेवकांच्या उपस्थितीबाबत घेण्यात आलेल्या स्वाक्षरी रजिष्टरची सही शिक्क्याची प्रमाणित सत्यप्रत.
उपायुक्त तसेच सदरील महासभेतील विषय क्रमांक २ या संदर्भात आयुक्त यांच्या सही शिक्क्याची प्रमाणित सत्यप्रत. तसेच सदरील महासभेतील विषय क्रमांक २ या विषयाच्या बाजूने मतदान करणाऱ्या नगरसेवकांच्या नावानिशी सही शिकक्याची यादी व ठरावाच्या बाजूने मतदान केलेल्या प्रक्रियेचे रेकॉर्डींगची प्रमाणित सत्यप्रत. ठरावाच्या विरोधात अथवा तटस्थ असलेल्या नगरसेवकांची नावानिशी सही शिकक्याची यादी व ऑनलाईन मतदान घेतलेल्या संपूर्ण प्रक्रियेचे रेकॉर्डींगची प्रमाणित सत्यप्रत.
दिनांक १८/०५/२०२१ सदरील विषयास उपस्थित असणाऱ्या सर्व नगरसेवकांच्या उपस्थितीबाबत घेण्यात आलेल्या स्वाक्षरी रजिष्टरची सही शिक्क्याची प्रमाणित सत्यप्रत. तसेच सदरील विषय क्रमांक २ संबंधीत झालेल्या चर्चेच्या इतिवृत्ताची सही शिकक्याची प्रमाणित सत्यप्रत. तसेच सदरील विषय क्रमांक मंजूर झालेल्या ठरावाची सही-शिक्क्यानिशी प्रमाणित सत्यप्रत.
३) दिनांक १२/०५/२०२१ रोजी झालेल्या महासभेतील विषय शहर महानगरपालिका व मकेदार वॉटर पेरा पॉडक्ट नाशिक यांच्यात असलेल्या वादाबाबत Arbitra tion & Conciliation Act-19 च्या तरतुदीप्रमाणे abitrator & Conciliator (लवाद मध्यस्थ नेमनेबाबत) निर्णय घेणेसाठी प्रशासनाकडून आलेल्या प्रस्तावादी प्रमाणित प्रत. तसेच सदरील महासभेतील विषय क्रमांक ९ या संदर्भात आयुक्त यांचा अभिप्रायाची प्रमाणित सत्यप्रत.
तसेच सदरील महासभेतील विषय क्रमांक-१ या विषयाच्या बाजूने मतदान करणाऱ्या नगरसेवकांच्या नावानिशी सही शिकक्याची यादी व ठरावाच्या बाजूने ऑनलाईन मतदान केल्याचे संपूर्ण रेकॉर्डींगची प्रमाणित सत्यप्रत. ठरावाच्या विरोधात अथवा तटस्थ असलेल्या नगरसेवकांची नावानिशी सही-शिक्क्या ची यादी व ऑनलाईन मतदान घेतलेल्या संपूर्ण प्रकियेची रेकॉर्डींगची प्रमाणित सत्यप्रत.
तसेच सदरील विषयास उपस्थित असणाऱ्या सर्व नगरसेवकांच्या उपस्थितीत घेण्यात आलेल्या स्वाक्षरी रजिष्टरची सही शिक्क्याची प्रमाणित सत्यप्रत. तसेच सदरील विषय क्रमांक ९ च्या संबंधीत झालेल्या चर्चेच्या इतिवृत्ताची सही शिक्क्याची प्रमाणित सत्यप्रत. तसेच सदरील विषय क्रमांक-९ बाबत मंजूर झालेल्या ठरावाची सही शिक्क्याची प्रमाणित सत्यप्रत.
४) दिनांक १२/०५/२०२१ रोजी झालेल्या महासभेच्या सुरुवातीपासून ते महासभासंभेपर्यंत झालेल्या ऑनलाईन प्रक्रियेचे संपूर्ण रेकॉडींगची प्रमाणित सत्यप्रत.
५) दिनांक १२/०५/२०२१ रोजी झालेल्या महासभेच्या विषय क्रमांक २ व विषय क्रमांक ९ यात झालेल्या संपूर्ण कामकाजाची दाखल झालेल्या कागदपत्रांची, संपूर्ण माहितीची सही-शिक्याचीनिशी प्रमाणित सत्यप्रत.
अटलांटा, गोलाणी ब्रदर्स, घरकुल आणि आता वॉटरग्रेस !
शहराच्या दैनंदिन सफाईसाठी महापालिकेने नाशिक येथील वॉटरग्रेस कंपनीला दिलेल्या ठेक्यात महापालिकेतील सर्वपक्षीय नगरसेवकांसह आयुक्तांचा देखील सहभाग आहे, असा गंभीर आरोप सामाजिक कार्यकर्ते अॅड. विजय पाटील यांनी काही दिवसांपूर्वी एका पत्रकार परिषदेत केला होता. येणाऱ्या महासभेत वॉटरग्रेस व महापालिकेमध्ये दुवा म्हणून लवाद नेमण्याचे षड्यंत्र बीएचआर घोटाळ्यातील मुख्य संशयित आरोपी सुनील झंवरच्या सांगण्यावरूनच रचले जात असल्याचा आरोपही अॅड. पाटील यांनी केला होता. दरम्यान, यापूर्वी देखील अटलांटा आणि पालिका, गोलाणी ब्रदर्स विरुद्ध पालिका,घरकुल प्रकरण व पालिका अशा मुद्यांवरून महापालिकेतील राजकीय नेते कायदेशीर अडचणीत सापडलेले आहेत.
