जळगाव (प्रतिनिधी) पाचोरा तालुक्यातील कळमसरा येथे अल्पवयीन दलित मुलीवर सामूहिक अत्याचार करणाऱ्या आरोपींना फाशीची शिक्षा देण्यात यावी, अशी मागणी विविध संघटनांच्या वतीने जिल्हाधिकाऱ्यांकडे एका निवेदनाद्वारे करण्यात आली.
तसेच केंद्र सरकार व राज्य सरकार यांनी मुली व महिलांनवर लैंगिक अत्याचार करणाऱ्या निर्दयी नराधमांना फाशीची शिक्षेची अंमलबजावणी करावी जेणेकरून महिला व लहान मुलींवरील वारंवार होत असलेले अन्याय अत्याचाराला आळा बसेल. यासाठी महाराष्ट्र राज्याला महिला मुख्यमंत्र्याची नितांत गरज असून महिला मुख्यमंत्र्यांची नियुक्ती करण्यात यावी. अशी मागणी ही करण्यात आली. यावेळी चर्मकार महासंघाचे भानुदास विसावे, भारत क्रांती मोर्चाचे मुकुंद सपकाळे, यांच्यासह अनेक भानुदास पवार व महाराष्ट्र प्रदेश कार्याध्यक्ष शेरखान यांच्यासह विविध दलित संघटनांचे पदाधिकारी उपस्थित होते.
