नवी दिल्ली (वृत्तसंस्था) दिल्लीमध्ये इस्राइलच्या दुतावासाजवळ स्फोट झाला आहे. दुतावासाच्या इमारतीपासून १५० मीटर अंतरावर हा स्फोट झाला. या स्फोटात जीवितहानी झालेली नाही. पण, चार ते पाच वाहनांचे नुकसान झाले आहे. दिल्ली पोलिसांच्या स्पेशल सेलने या स्फोटाचा तपास सुरू केला आहे.
एकीकडे कृषी कायद्यांविरोधातील शेतकरी आंदोलनानं गजबजून गेलेली राजधानी दिल्ली शुक्रवारी सायंकाळी स्फोटानं हादरलीय. प्राथमिक माहितीनुसार, दिल्ली स्थित इस्रायली दूतावासाजवळ हा स्फोट झाल्याचं समजतंय. इस्रायली दूतावासापासून जवळपास जवळपास १५० मीटर अंतरावर हा स्फोट झाला. स्पेशल सेल घटनास्थळी दाखल झालंय. या स्फोटात कुणीही जखमी झालेलं नाही. दिल्ली पोलिसांनी सांगितले की, ‘इस्राइलच्या दुतावासाजवळ एक लो इंटेंसिटी ब्लास्ट झाला आहे. सध्या या स्फोटाच्या कारणांचा शोध सुरू आहे. सध्या घटनास्थळी गुप्तचर विभाग आणि क्राइम ब्रांचचे अधिकारी दाखल झाले आहे. या परिसराला सध्या सील करण्यात आले आहे. हा स्फोट कमी तीव्रतेचा असल्याचं समजतंय. स्फोटामुळे अनेक गाड्यांच्या आणि इमारतींच्या काचा फुटल्या आहेत.
