अहमदनगर (वृत्तसंस्था) वंचित बहुजन आघाडीचे संस्थापक प्रकाश आंबेडकर (Prakash Ambedkar) यांच्या निशाण्यावर विरोधी पक्षनेते देवेंद्र फडणवीस (Devendra Fadnavis) असल्याचं दिसून येत आहे. देवेंद्र फडणवीस यांनी नुरा कुस्ती खेळू नये. विधानसभा अध्यक्षांना पेन ड्राईव्ह देणे म्हणजे नुरा कुस्तीचा भाग आहे, खऱ्या पैलवानासारखा मैदानात येऊन फडणवीस यांनी लढावे असे आंबेडकर म्हणाले आहेत.
देवेंद्र फडणवीस यांनी खऱ्या पैलवानासारखं मैदानात उतरुन लढावं. देवेंद्र फडणवीस यांनी १२५ तासांचे व्हिडीओ जनतेसमोर आणून ते मैदानी पैलवान आहेत की नुरा कुस्तीतील पैलवान आहेत, हे दाखवून द्यावं, असं प्रकाश आंबेडकर म्हणाले. हिजाब बाबत कर्नाटक उच्च न्यायालयाचा निर्णय आला आहे. यावर प्रकाश आंबेडकर यांनी भाष्य केलं आहे. अहमदनगर येथे असताना त्यांनी प्रसार माध्यमांशी सवांद साधलाय. कर्नाटक उच्च न्यायालयाचा निर्णय आला आहे. मात्र, मुंबई उच्च न्यायालयाचा आलेला नाही. त्यामुळे मी माझी प्रतिक्रिया देणार नाही, अशी भूमिका प्रकाश आंबेडकर यांनी मांडली. तर, कर्नाटक उच्च न्यायालयात महाविद्यालय आणि विद्यापीठाच्या भूमिकेबद्दल माहिती मांडली होती की नाही याबाबत कल्पना नाही. कारण, या प्रकरणात महाविद्यालय आणि विद्यापीठाच्या भूमिका महत्त्वाची आहे, असं प्रकाश आंबेडकर यांनी म्हटलं आहे.
