धरणगाव (प्रतिनिधी) येथील गुरुकुल इंग्लिश मीडियम स्कूल येथे अत्यंत दिमाखात व उत्साह पूर्ण वातावरणात फॅन्सी ड्रेस आणि एकपात्री नृत्य स्पर्धा संपन्न झाली.
नर्सरी, ज्युनिअर केजी आणि सीनियर केजी या वर्गाकरिता फॅन्सी ड्रेस स्पर्धेचे आयोजन करण्यात आले होते. या स्पर्धेचे प्रमुख अतिथी आणि परीक्षक स्मिता रावतोळे आणि कविता महाजन यांनी केले. सर्वात प्रथम प्रमुख अतिथींनी सरस्वती पूजन आणि दीप प्रज्वलन केले व त्यानंतर स्पर्धेला सुरुवात करण्यात आली. त्यांनी साकारलेल्या वेशभूषा बद्दल परीक्षकांनी छोट्या छोट्या बालगोपालांचे कौतुक केले. फॅन्सी ड्रेस स्पर्धेमध्ये प्रथम क्रमांक पूर्वांश देशमुख, जीविका पाटील, अंश मानकर या विद्यार्थ्यांनी पटकावला. द्वितीय क्रमांक विहान भदाणे, जिग्नेश चौधरी, ऋषभ पाटील या विद्यार्थ्यांनी मिळविला. नक्ष चावरिया, तानिया बहारे, जीविका निकम या विद्यार्थ्यांनी तृतीय क्रमांक मिळविला. उत्तेजनार्थ रियांश पाटील, भूमिका वाणी, विराज पाटील या विद्यार्थ्यांना देण्यात आले. या स्पर्धेमध्ये शाळेचे 35 विद्यार्थी सहभागी झाले होते. फॅन्सी ड्रेस स्पर्धेचे नियोजन शाळेच्या प्राचार्य वैशाली पवार यांनी केले.
या स्पर्धेचे सूत्रसंचालन जान्हवी महाजन आणि आभार प्रदर्शन वैशाली जैन यांनी केले. त्यानंतर दुसऱ्या दिवशी पहिली ते सहावी या वर्गांकरिता एकपात्री नृत्य स्पर्धा आयोजित करण्यात आली होती. या स्पर्धेचे प्रमुख अतिथी आणि परीक्षक म्हणून पल्लवी मोरे आणि जयश्री भावे उपस्थित होते. शाळेच्या मुख्याध्यापिका वैशाली पवार यांनी अतिथींचे स्वागत केले. त्यांच्या हस्ते स्पर्धेचे उद्घाटन करण्यात आले. अतिशय मंत्रमुग्ध करून टाकणाऱ्या विविध रंगी अशा नृत्य प्रकारांचे दर्शन विद्यार्थ्यांनी या स्पर्धेद्वारे परीक्षक आणि प्रेक्षकांसमोर सादर केले. आणि त्यांना नेत्रदीपक दृश्यांची अनुभूती दिली.
या स्पर्धेमध्ये शाळेच्या 32 मुलांनी भाग घेतला होता. या स्पर्धेचे सूत्रसंचालन दिव्या पाटील यांनी केले तर आभार प्रदर्शन वैशाली जैन यांनी केले. फॅन्सी ड्रेस आणि एकापात्री नृत्य स्पर्धा यशस्वी करण्याकरिता गुरुकुल इंग्लिश मीडियम स्कूलच्या सर्व शिक्षिका आणि शिक्षकेतर कर्मचारी यांनी मेहनत घेतली.
