गोंदिया (वृत्तसंस्था) शेतातील पिकांना खत टाकत असलेल्या शेतकऱ्याच्या अंगावर विद्युत तार पडल्याने त्यांचा जागीच मृत्यू झाला. ही घटना सालेकसा तालुक्यातील तिरखेडी येथे गुरुवारी (५ ऑक्टोबर) सकाळी नऊ वाजेच्या सुमारास घडली. छत्रपाल गणेशलाल पटले (वय ४८) असे मृत शेतकऱ्याचे नाव आहे.
छत्रपाल शेतात खत टाकायला गेले असता अचानक जिवंत विद्युत तार अंगावर पडल्याने त्यांचा घटनास्थळीच मृत्यू झाला. घटनास्थळी सरपंच, महावितरण व पोलीस विभागाने दाखल होत घटनेचा पंचनामा केला. या घटनेने गावात हळहळ व्यक्त होत आहे. मृत शेतकऱ्याच्या कुटुंबीयांना तत्काळ शासकीय मदत मिळण्याची मागणी करण्यात आली आहे.
