भुसावळ (प्रतिनिधी) जिल्ह्याचे पालकमंत्री ना. गुलाबराव पाटील यांनी जळगावातल्या एका कार्यक्रमात चक्क कव्वाली गात रसिकांना मंत्रमुग्ध केले आहे. मात्र, यावरून भाजपा नेते निलेश राणे यांनी ट्वीट करत ना. पाटील यांच्याबद्दल शिवराळ भाषेत ट्विट केले. त्यामुळे निलेश राणे यांच्या विरोधात गुन्हा दाखल करावा, अशी मागणी भुसावळ शिवसेनेचे शहरप्रमुख बबलू बऱ्हाटे यांनी शहर पोलीस स्टेशनचे पोलीस निरीक्षक मंगेश गोटला यांना निवेदन देऊन केली.
या ट्विटमुळे सर्वच शिवसैनिकांची भावना दुखावली असून निलेश नारायण राणे यांच्या विरोधात गुन्हा दाखल झालाच पाहिजे, अशी भूमिका शिवसैनिकांनी मांडली. यावेळी विधानसभा क्षेत्र प्रमुख संतोष सोनवणे, माजी तालुका प्रमुख निळकंठ फालक, शहरप्रमुख बबलू बऱ्हाटे, माजी नगरसेवक दीपक धांडे, तालुका युवा अधिकारी हेमंत बऱ्हाटे, शहर युवाअधिकारी सुरज पाटील, उपशहरप्रमुख धनराज ठाकूर, उपशहर संघटक सोनी ठाकूर, ग्राहक संरक्षण कक्ष तालुकाप्रमुख देवेंद्र पाटील, अँड. निर्मल दायमा, विक्की चव्हाण व शिवसैनिक उपस्थितीत होते.
