सूरत (वृत्तसंस्था) गुजरातच्या सूरतमध्ये असलेल्या ओएनजीसी गॅस प्लॅंटमध्ये पहाटे तीन वाजेच्या सुमारास प्रकल्पाच्या टर्मिनल्समध्ये लागोपाठ तीन मोठे स्फोट झाले. त्यामुळे भीषण आग लागली आहे. ONGC गॅस प्लॅंटमधील स्फोट इतका भयानक होता की, स्फोटाच्या वेळी घराचे दारे खिडक्या भूकंप झाल्यासारखे हादरत होत्या.
घटनेची माहिती मिळताच अग्निशामक दलाच्या गाड्या घटनास्थळी पोहोचल्या आहे. आगीवर नियंत्रण मिळवण्याचे काम सुरु आहे. सूरतचे जिल्हाधिकारींनी माध्यमांशी बोलताना सांगितले की, तसेच या स्फोटाचे कारण देखील समोर आलेले नाही. आगीवर नियंत्रण आणण्याचे प्रयत्न सुरु आहेत. तसेच आतापर्यंत या घटनेत जीवितहानी झाल्याचे समोर आलेले नाही. दरम्यान, ओएनजीसीमध्ये झालेले हे स्फोट इतके भीषण होते की दहा किलोमीटरपर्यंत ते ऐकू आले. तीन वाजण्याच्या सुमारास प्रकल्पाच्या टर्मिनल्समध्ये लागोपाठ तीन मोठे स्फोट झाले. त्यानंतर येथील टर्मिनल दोनला आग लागली. सध्या या प्रकल्पामध्ये साठवून ठेवण्यात आलेला नैसर्गिक गॅसचा साठा डिप्रेशराइज करण्याचे काम सुरु आहे. दरम्यान, या ठिकाणी पहाटे चार पासूनच आग विझवण्याचे काम अग्निशामन दलाच्या जवानांकडून केले जात होते.
