चोपडा (प्रतिनिधी) चोपडा आगाराच्या इतिहासात एसटीचे सारथ्य महिला चालकाच्या हाती सोपविण्यात आले आहे. संगीता भालेराव, असे महिला चालकाचे नाव आहे.
आजच्या युगात महिला पुरुषाच्या खांदाला खांदा लावून काम करत आहे. कोणत्याच क्षेत्रात महिला मागे नाहीत, याची प्रचिती रोजच्या जिवनात दिसत असते. धका धकीच्या जीवनात देखील आपले घर सांभाळून पुरुषांच्या बरोबरीने काम करत दिसतात तालुक्यातील अबांडे येथील संगीता भालेराव हे आगारात पहिल्यांदाच महिला चालक आल्याने बघ्याची एकच गर्दी झाली होती.
संगीता भालेराव नामक ह्या नवीनच प्रशिक्षण घेऊन चोपडा आगाराला नियुक्त झालेल्या आहेत. नियुक्त झाल्यावर त्यांनी प्रथमच खेडीभोकरी ड्युटी केली. अत्यंत सामान्य कुटुंबातील संगीता भालेराव यांनी यांनी जेमतेम शिक्षण पूर्ण करून बसचे स्टेरिंग हातात धरले. चोपडा आगार प्रमुख महेंद्र पाटील आणि गोरगावले येथील महिला प्रवाशांसह सर्वांनी संगीता भालेराव यांचे स्वागत केले.
