जळगाव, प्रतिनिधी १७ सप्टेंबर – तालुका पातळीवर उल्लेखनीय कामगिरी केल्यानंतर गुरुकुल विद्यालयाच्या विद्यार्थ्यांनी जिल्हा स्तरीय अंतिम सामन्यातही आपली विजयी परंपरा कायम ठेवली. अंडर-१४ वयोगटातील या स्पर्धेत गुरुकुलच्या मुलांनी दमदार खेळ करत सर्वांचे लक्ष वेधून घेतले.
विद्यार्थ्यांनी दाखवलेल्या चिकाटी व संघभावनेमुळे गुरुकुल विद्यालयाने यश संपादन केले. या कामगिरीत प्रशिक्षक हितेश पवार व क्रीडा शिक्षिका दीक्षा पैठणकर यांचे अथक प्रयत्न व योग्य मार्गदर्शन महत्त्वाचे ठरले.
या विजयामुळे गुरुकुल विद्यालयाच्या संघाची विभागीय स्पर्धेसाठी निवड झाली असून संपूर्ण गुरुकुल परिवारात उत्साह व आनंदाचे वातावरण आहे. खेळाडू व प्रशिक्षकांचे सर्व स्तरांतून अभिनंदन होत आहे. 🎉👏
शाळेच्या प्रिन्सिपल वैशाली पवार मॅडम व संस्थेचे संचालक यांनी सर्व विजेत्या मुलांचे अभिनंदन करून पुढील वाटचालीस शुभेच्छा दिल्या.👏
मुख्याध्यापक
गुरुकुल इंग्लिश मीडियम स्कूल धरणगाव
