मुंबई (वृत्तसंस्था) चौकशीच्या फेऱ्याच अडकलेले मुंबईचे माजी पोलिस आयुक्त परमबीर सिंग यांना अखेर निलंबित करण्यात आल आहे. कर्तव्यात निष्काळजीपणा केल्याप्रकरणी राज्य सरकारनं परमबीर सिंग यांना सेवेतून निलंबित केलं आहे. यासोबतच खंडणी आणि भ्रष्टाचाराचे आरोप असलेल्या सिंग यांच्यावर शिस्तभंगाची कारवाई सुरू करण्यात आली आहे.
डीसीपी दर्जाचे पोलीस परमबीर सिंग यांच्यावर खंडणीच्या आरोपाखाली FIR दाखल करण्यात आला आहे. १२ नोव्हेंबर रोजी रुग्णालयातून डिस्चार्ज मिळताच मुख्यमंत्री उद्धव ठाकरे यांनी परमबीर यांच्या निलंबनाच्या आदेशावर स्वाक्षरी केली. यासोबतच ठाणे शहराचे डीसीपी असलेले पराग मणेरे यांनाही निलंबित करण्यात आलं आहे.
राज्याच्या गृहविभागाने जारी केलेल्या आदेशात म्हटले आहे की १९८८-बॅचच्या भारतीय पोलीस सेवा अधिकाऱ्याला अखिल भारतीय सेवा (शिस्त आणि अपील) नियम, १९६९ च्या कलम ३ आणि ४ अंतर्गत निलंबित करण्यात आलं होतं. परमबीर यांच्यावर अनियमितता आणि कर्तव्य न बजावल्याबद्दल शिस्तभंगाची कारवाई सुरू करण्यात आली आहे.
परमबीर सिंग यांनी २०० दिवसांहून अधिक दिवस गृह विभागाला न कळवता परस्पर सुट्टी घेतली होती. त्या संदर्भातही शिस्तभंगाची कारवाई करण्यात आली. आता निलंबन करण्यात आलंय याच्या पुढची कारवाई थेट सेवेतून बडतर्फ असणार आहे. परमबीर सिंग यांच्यावर पाच वेगवेगळ्या प्रकरणात गुन्हे दाखल असून त्यांचा तपास सुरू आहे.
