नागपूर (वृत्तसंस्था) माजी पंतप्रधान नरसिंहराव यांचे विशेष अधिकारी राम खांडेकर याचं काल रात्री प्रदीर्घ आजाराने निधन झालं. ते ८७ वर्षांचे होते. त्यांनी आपल्या मूळ गावी म्हणजे नागपूरमध्ये अखेरचा श्वास घेतला.
दोन दिग्गज नेत्यांचे स्वीय सहाय्यक म्हणून काम करणारे राम खांडेकर हे अत्यंत सुसंस्कृत आणि सज्जन व्यक्तिमत्त्व होतं. वयाच्या ८७व्या वर्षी त्यांनी अखेरचा श्वास घेतला. नागपूरमधील त्यांच्या मूळ गावी त्यांनी अखेरचा श्वास घेतला आहे. राजकारणात असताना नेत्यांना त्यांच्या व्यक्तिमत्त्वाप्रमाणं पीए किंवा स्वीय सहाय्यक मिळणं हा अत्यंत दुर्लभ योग असतो. राम खांडेकर यांच्याबाबतीत मात्र अत्यंत विद्वान आणि साहित्याशी संबंध असलेल्या नेत्यांशी त्यांचा संबंध आलेला होता.
खांडेकर यांनी अनेक वर्तमानपत्र आणि मॅगझिन्समध्ये वेगवेगळ्या विषयांवरचे लेखही लिहिले. अनेक दिवाळी अंकांसाठी त्यांनी त्यांच्या कामाबद्दल आणि अनेक राजकीय नेत्यांच्या गाठीभेटींसंदर्भातले ६० ते ७० लेख लिहिले. राजकारण क्षेत्रासंदर्भातल्या त्यांच्या जवळपास पाच दशकांच्या अनुभवांबद्दल ते लोकसत्तामध्ये स्तंभलेखनही करत होते. २०१९ साली हे सर्व लेख ‘सत्तेच्या पडछायेत’ या पुस्तकाच्या रुपात प्रकाशित करण्यात आले.
