जळगाव (प्रतिनिधी) दरोड्याचा प्रयत्न प्राणघातक हल्ला व गंभीर दुखापत यासह अनेक टोळीने गुन्हे करणारा टोळी प्रमुख स्वप्नील उर्फ गोलु धर्मराज ठाकुर ( वय १९) याच्यासह निशांत प्रताप चौधरी (वय १९, दोघे रा. शंकर आप्पा नगर) व कुणाल उर्फ दुंडया किरण कोळी (वय १९, रा. साईसिटी कुसुंबा ) या दोघ टोळी सदस्यांना दोन वर्षासाठी जिल्ह्यातून हद्दपार करण्यात आले आहे. याबाबतचे आदेश पोलीस अधीक्षक एम. राजकुमार यांनी काढले आहे.
शहरातील स्वप्निल उर्फ गोलू ठाकूर व त्याचे साथीदार निशांत चौधरी व कुणाल उर्फ दुंड्या कोळी यांच्याविरुद्ध एमआयडीसी व रामानंदनगर पोलीस स्टेशनला दरोड्याचा प्रयत्न, गंभीर दुखापत, घातक हत्यार बाळगणे, अश्लिल शिवीगाळ करणे, घातक हत्याऱ्याने दुखापत, दमबाजी करणे असे ८ गंभीर गुन्हे दाखल आहेत. या गुन्ह्यांपैकी पाच गुन्हे त्यांनी टोळीने केले आहेत. ही टोळी शहरात दहशत पसरवित असून त्यामुळे नागरिकांमध्ये भिती निर्माण झाले आहे. तसेच शहरात सार्वजनीक शांतता सुव्यवस्था अबाधीत ठेवण्यासाठी त्यांच्यावर वेळोवेळी प्रतिबंधात्मक कारवाई करुन सुध्दा त्यांचे वर्तनात सुधारणा झालेली नाही. त्यांच्यामुळे जनतेच्या जिवीताला धोका असल्याचे चौकशीत निष्पन्न झालेले आहे.
पोलीस अधीक्षकांनी काढले हद्दपारीचे आदेश
चौकशीनंतर पोली अधीक्षक एम. राजकुमार यांनी या टोळीला दोन वर्षांसाठी हद्दपार करण्याचे आदेश पारित केले. या हद्दपार प्रस्तावाचे कामकाज स्थानिक गुन्हे शाखेचे वरिष्ठ पोलीस निरीक्षक किसन नजन पाटील यांच्यासह त्यांचे अधिनस्त पोलीस अंमलदार सौ युनूस शेख इब्राहिम, पोहेकॉ सुनिल दामोदरे यांनी पाहिले आहे.
टोळी नेहमी घातक हत्यार घेऊन फिरायची !
ही टोळी नेहमी घातक हत्यार घेऊन फिरत असल्यामुळे त्यांच्या टोळीची पांगापांग व्हावी. यासाठी टोळीच्या हद्दपारीचा प्रस्ताव एमआयडीसी पोलीस ठाण्याचे पोलीस निरीक्षक जयपाल हिरे, सफौ अतुल वंजारी, पोना सचिन पाटील, योगेश बारी, सुधीर साळवे, साईनाथ मुंडे, मपोकॉ निलोफर सैययद यांनी तयार करुन तो उपविभागीय अधिकाऱ्यांकडे पाठविला होता.
