जळगाव (प्रतिनिधी) स्थानिक गुन्हे शाखेच्या पथकाने आज गावठी पिस्तुलसह एकाला अटक केली आहे. भास्कर पाटील (वय २५, रा. नागसेन कॉलनी, कंडारी ता. भुसावळ), असे संशयित आरोपीचे नाव असून त्याच्या विरुध्द भुसावळ शहर पोलीस स्थानकात गुन्हा दाखल करण्यात आला आहे.
पोलीस अधीक्षक डॉ. प्रविण मुंढे, अपर पोलीस अधीक्षक चंद्रकांत गवळी यांनी एलसीबीचे वरिष्ठ पोलीस निरीक्षक किसन नजनपाटील यांना जळगाव जिल्ह्यात अवैध शस्त्र जवळ बाळगण्याचे जास्त प्रमाणे वाढले आहे. तरी त्याबाबत शोध घेवून योग्य ती कारवाई करा असे आदेश दिले होते. त्यावरुन पोलीस निरीक्षक किसन नजनपाटील यांनी स्थानिक गुन्हे शाखे कडील सहाय्यक फौजदार अनिल जाधव, कमलाकर बागुल, अनिल देशमुख, संतोष मायकल, भारत पाटील अश्यांचे पथक नेमले होते. किसन नजनपाटील यांना मिळालेल्या गुप्त बातमीदारा मार्फत महिती मिळाली की, अर्जुन भास्कर पाटील (वय २५, रा. नागसेन कॉलनी, कंडारी ता. भुसावळ) यास वरील पथकाने ताब्यात घेवून त्याच्याकडून एक गावठी बनावटीची पिस्तुल २५ हजार रुपये किंमतीचा मुद्देमाल जप्त केला आहे. तसेच त्याच्याविरुध्द भुसावळ शहर पोलीस स्टेशनला गुन्हा दाखल करण्यात आला आहे.
