साकळी ता.यावल (प्रतिनिधी) येथील प्राथमिक आरोग्य केंद्र अंतर्गत रुग्ण कल्याण समितीच्या सल्लागार समितीचे सदस्य गिरीश सुभाष प्रजापती यांनी आपल्या पदाचा राजीनामा दिलेला आहे.
प्रजापती यांनी यासंबंधीचे राजीनामापत्र दि.३ रोजी समितीचे अध्यक्ष आणि सचिव तथा वैद्यकीय अधिकारी डॉ.सागर पाटील यांच्याकडे दिलेला आहे. सदर पदावर काम करीत असतांना आपल्याला वेळ देऊ शकत नसल्याने आपण राजीनामा देत आहोत असे राजीनामा पत्रात प्रजापती म्हटलेले आहे. त्याचप्रमाणे प्रजापती यांनी पदाचा राजीनामा दिल्याने गावात तर्क-वितर्कांना उधाण आलेले आहे.
